25.07.2026 | 13:04
Վթարային ջրանջատում Երևանի Կենտրոն վարչական շրջանում
Երևանի ավագանիում Անուշ Քլոյանի մանդատն անցավ Արևիկ Ավետիսյանին
Քաղաքականություն
04.07.2023 | 16:56
Կենտրոնական ընտրական հանձնաժողովն այսօր՝ հուլիսի 4-ին, գումարել է հերթական նիստ․ տեղեկացնում են ԿԸՀ-ից։
«Հանձնաժողովը Արևիկ Անդրանիկի Ավետիսյանին Երևանի ավագանու անդամի մանդատ տրամադրելու արձանագրություն կազմեց: Նախագիծը զեկուցեց ԿԸՀ քարտուղար Արմեն Սմբատյանը:
Այսպիսով, Երևանի ավագանու «Իմ քայլը» կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած Անուշ Քլոյանի մանդատը տրվել է վերոնշյալ դաշինքի ընտրական ցուցակի հերթական հաջորդ թեկնածու Արևիկ Անդրանիկի Ավետիսյանին»,- ասված է հաղորդագրությունում։
Հիշեցնենք, որ Անուշ Քլոյանը ԱԺ ՔՊ խմբակցության պատգամավոր Վիգեն Խաչատրյանի մահվանից հետո պատգամավորի մանդատ էր ստացել, քանի որ ՔՊ-ի ընտրական ցուցակում նա հերթական համարն էր։ ԿԸՀ-ն Քլոյանի վերաբերյալ որոշում էր կայացրել հունիսի 27-ին:
