25.07.2026 | 13:49
Թրամփը հասկացել է՝ Ռուսաստանը չի ցանկանում ավարտել պատերազմը, իսկ Ուկրաինան խաղաղություն է ուզում․ Զելենսկի
Ադրբեջանում 5,7 մագնիտուդով երկրաշարժ է տեղի ունեցել․ Բաքվում բնակիչները լքում են տները
Քաղաքականություն
04.07.2023 | 00:56
Կասպից ծովում 5,7 մագնիտուդով երկրաշարժ է տեղի ունեցել։ Այս մասին ադրբեջանական լրատվամիջոցներին հայտնել են Սեյսմոլոգիական ծառայության կենտրոնից։
Երկրաշարժը զգացվել է Ադրբեջանի մի քանի շրջաններում՝ Խամչազում, Գուբայում, Սումգայիթում, Ապշերոնի շրջանում և մայրաքաղաք Բաքվում։ Երկրաշարժի էպիկենտրոնը գտնվել է Կասպից ծովում՝ Ադրբեջանի և Դաղստանի սահմանային գոտում։
Սոցիալական ցանցերի ադրբեջանական տիրությում տարբեր տեսանյութեր ու լուսանկարներ են տարածվում ցնցումներից, որոնք բավական ուժգին են զգացվել Բաքվում։ Ադրբեջանի մայրաքաղաքում, լրատվամիջոցների հաղորդմամբ, այժմ անհանգիստ է, մարդիկ տներից ու բնակարաններից դուրս են շտապում։
Փլուզումների կամ տուժածների մասին դեռ տեղեկություններ չեն հաղորդվում։
Էմմա Չոբանյան
