Փաշինյանը զրուցել է Էրդողանի հետ․ Արցախի ԱԺ-ն հայտարարությունը՝ Բաքվի նոր հարձակման մասին․ Լուրեր

• Վարչապետ Նիկոլ Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ: Փաշինյանն Էրդողանին շնորհավորել է Կուրբան Բայրամի առթիվ, իսկ Էրդողանը Փաշինյանին՝ գալիք Վարդավառի առթիվ։ Կողմերը քննարկել են երկկողմ հարաբերությունների կարգավորման գործընթացը։ Մասնավորապես, քննարկվել է դիվանագիտական անձնագրեր ունեցողների և երրորդ երկրների քաղաքացիների համար ցամաքային սահմանի բացման մասին պայմանավորվածության կատարման ընթացքը։
• Փաշինյանը Թվիթերում գրել է, որ կոչ է անում միջազգային հանրությանը գործնական քայլեր ձեռնարկել՝ ապահովելու ԼՂ-ի բնակչության իրավունքներն ու անվտանգությունը։ Փաշինյանը նշել է, որ մինչ Լաչինի միջանցքը մնում է ապօրինի արգելափակված, այսօր գիշեր անօդաչու թռչող սարքերի կիրառմամբ ադրբեջանական հարձակման հետևանքով այնտեղ կա 4 զոհ, և բարձր է Հարավային Կովկասում ապակայունացման ռիսկը։
• Արցախի խորհրդարանը 30 կողմ, 0 դեմ ձայներով ընդունել է հրադադարի խախտումների վերաբերյալ նախագիծը։ Խորհրդարանի նախագահ Արթուր Թովմասյանը նշել է, որ Արցախը երբեք չի եղել ու չի լինելու անկախ Ադրբեջանի կազմում, և դրա շուրջ ցանկացած քննարկում անընդունելի է իրենց համար։ Նա պնդել է, որ բանակցությունների շարունակումը կնշանակի ադրբեջանական ագրեսիվ պահվածքի խրախուսում։ Թովմասյանը դիմել է ՄԱԿ–ին և ԵԱՀԿ Մինսկի խմբի համանախագաներին` Բաքվի նկատմամբ պատժամիջոց կիրառելու համար։

Այս ժամի լուրերը՝ տեսանյութում։