04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Երասխում կառուցվող գործարանում բարձրացվեցին ՀՀ-ի և ԱՄՆ-ի դրոշները
Տնտեսություն
20.06.2023 | 14:20
Երասխում կառուցվող մետաղաձուլարանի տարածքում այսօր բարձրացվեցին Հայաստանի և Ամերիկայի Միացյալ Նահանգների դրոշները։ Մետաղաձուլարանը կառուցվում է հայ-ամերիկյան ներդրումներով։ Գործարանում աշխատում է 200 աշխատակից նրանցից 70-ը Հնդկաստանի քաղաքացիներ են։ Հիշեցնենք, որ վերջին շրջանում ադրբեջանական կողմը պարբերաբար թիրախավորում է մետաղաձուլարանը։
Մոտ մեկ շաբաթ առաջ կրակահերթերից վիրավորում էր ստացել գործարանի տարածքում շինաշխատանքներ իրականացնող Հնդկաստանի հանրապետության երկու քաղաքացի։ Երեկ էլ ադրբեջանական կողմը կրկին կրակել է, սակայն տուժածներ չկան։
«Ջի Թի Բի Սթիլ» ընկերության տնօրեն Տիրան Հակոբյանը լրագրողների հետ զրույցում ասաց, որ դրոշները չեն տեղադրվում ռազմական նպատակներով , ոչ էլ մտածում են, որ դրոշներ տեղադրելուց հետո ադրբեջանական կողմը կդադարեցինի կրակոցները։ Տնօրենի խոսքով՝ դրոշների տեղադրումը ադրբեջանցիներին ուղերձ է, որ գործարանը շարունակելու է աշխատել։ Ըստ Հակոբյանի՝ շինաշխատանքները կավարտվեն մինչև տարեվերջ։
Արփի Հակոբյան
