07.12.2025 | 17:52
«Մանկական Եվրատեսիլ 2025»-ի մեր պատվիրակությունն արդեն Թբիլիսում է
ԵՄ դիտորդներն այցելել են Երասխ․ Փաշինյանը՝ «մահապարտների» վերաբերյալ Աղվան Վարդանյանի խոսքերի մասին․ Լուրեր
14.06.2023 | 20:20
- ԵՄ դիտորդներն այցելել են Երասխի մետալուրգիական գործարանի կառուցման գոտի, որը գտնվում էր ադրբեջանական կրակոցների տակ։ Այս մասին հայտնել է ՀՀ ԱԳ փոխնախարար Վահան Կոստանյանը։
- Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարն անդրադարձել է միջադեպին և առանց կրակող կողմին հիշատակելու նշել է, թե ԵՄ-ն ուշադրությամբ հետևում է տարածաշրջանում տեղի ունեցող զարգացումներին։ Նրա խոսքով՝ պետք է դադարեցնել կրակոցները բոլոր հատվածներում։
- Թուրքիայի նախագահ ՌԹ Էրդողանը հայտարարել է, որ Զանգեզուրի միջանցքի բացմանը խոչընդոտում է ոչ թե Հայաստանը, այլ Իրանը։ Նա ասել է, որ դա վշտացնում է Թուրքիային և Ադրբեջանին։ Էրդողանի այս հայտարարության մասին Հայաստանի խորհրդարանում հարցրել են ԱԳ նախարար Արարատ Միրզոյանին, որն էլ պնդել է, թե չի մեկնաբանի Էրդողանի խոսքերը, և թե Հայաստանը կողմ է կապուղիների բացմանը՝ երկրների ինքնիշխանության ներքո։
- Նիկոլ Փաշինյանը այսօր մեկնաբանել է Հայաստան խմբակցության պատգամավոր Աղվան Վարդանյանի հայտարարությունը, որ Հայաստանում իշխանության հեռացմամբ խնդիրները լուծելու համար անհրաժեշտ է հարյուր մահապարտ։ Նա պնդել է, թե այդ հայտարարությամբ պետք է զբաղվեն իրավապահները։
Այս ժամի լուրերը՝ տեսանյութում։
