04.06.2026 | 11:30
ԹՐԻՓՓ-ի վերաբերյալ ՀՀ-ԱՄՆ համաձայնագիրը ստորագրվեց․ Արարատ Միրզոյան
Պիտի՛ պատրաստվել Արցախ-Ադրբեջան խոսակցությանը․ Բաքուն չունի՛ շռայլություն՝ չհամաձայնվելու որևէ լուծման․ Իրինա Ղուլինյան-Գերց․ ՏԵՍԱՆՅՈՒԹ
Քաղաքականություն
14.06.2023 | 20:47
Բանակցային գործընթացին զուգահեռ՝ բավականին ինտենսիվացել է նաև Ադրբեջանի կողմից հրադադարի ռեժիմի խախտումը։ Այսօր մետալուրգիական գործարանի շինհրապարակում վիրավորվել են Հնդկաստանի երկու քաղաքացիներ՝ Ադրբեջանի կրակից։ Թե՛ ՀՀ-ի, թե՛ ԼՂ-ի սահմանների երկայնքով Ադրբեջանը կրակում է՝ կեղծ մեղադրելով հայկական կողմին։
Ինչի՞ է ձգտում Ադրբեջանը, որի նախագահն Էրդողանի հետ հանդիպմանն ասում էր․ «Այսօր աշխարհում առաջին պլան է մղվում ուժի գործոնը, և միջազգային իրավունքի նորմերը չեն աշխատում»։
ԵՄ և հետխորհրդային տարածքի պետությունների հարաբերությունների հարցերով փորձագետ Իրինա Ղուլինյան-Գերցը Factor TV-ին տված հարցազրույցում ասում է, որ Ադրբեջանն իրականացնում է այն նույն ճնշման քաղաքականությունը, ինչ մինչև 2020 թվականի պատերազմն էր՝ քանի դեռ չի ստացել իր ուզածը։
«Ադրբեջանին մեծածավալ գործողությունից զսպում են արևմտյան ակնկալիքները, որ արագ խնդիրը կլուծվի, պայմանավորվածություն ձեռք կբերվի։ ՌԴ-ից ահռելի ճնշում չպետք է սպասել։ Ես կարծում եմ, որ Ադրբեջանին ուժային ճնշման միջոցով, սանկցիաներով չի պարտադրվելու ոչինչ։ ԱՄՆ-ից գլխավոր ակնկալիքն է՝ բանակցային պրոցեսը հանգուցալուծել։ Պիտի՛ պատրաստվել Արցախ-Ադրբեջան խոսակցությանը․ Բաքուն չունի շռայլություն՝ չհամաձայնվելու որևէ լուծման»,- ասաց Իրինա Ղուլինյան-Գերցը։
Հարցազրույցն ամբողջությամբ՝ տեսանյութում։
Ռոբերտ Անանյան
