03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
«Պատկեր-ացման ձևեր»․ Աշոտ Փաշինյանի և Վահագն Մանգասարյանի աշխատանքների ցուցահանդեսը․ ՏԵՍԱՆՅՈՒԹ
Մշակույթ
14.06.2023 | 14:30
Երևանի Հրաչյա Քոչար 13 հասցեում գործող «Ստուդիո 20»-ում կայացավ Աշոտ Փաշինյանի և Վահագն Մանգասարյանի՝ «Պատկեր-ացման ձևեր» խորագրով ցուցադրության բացումը։ Ներկայացված են ինքնադիմանկարներ, նատյուրմորտներ և ճեպանկարներ։
Աշոտ Փաշինյանն ասաց, որ ստեղծագործում է արդեն մի քանի տարի, սա արդեն երկրորդ ցուցադրությունն է։ «Այս ցուցահանդեսը տեղի է ունեցել կոլեկտիվ աշխատանքի միջոցով ու ուզում ենք մեր նկարներով մեսիջ հղել հանրությանը՝ փոխանցելով հոգեվիճակ, տրամադրություն»,- ասաց Աշոտ Փաշինյանը։
Արվեստի քննադատ Վարդան Ջալոյանի խոսքով էլ՝ նկարները խորհրդանշում են ձգտում։ «Ե՛վ Վահագնը, և՛ Աշոտը իրենց ներկայացնում են որպես ձախ արվեստագետներ․ արվեստի մեջ սա նշանակում է ուշադրություն կենցաղին, կյանքի մանր դետալներին և այլն»,- ասաց Ջալոյանը։
Ցուցահանդեսին նաև դրամահավաք էր կազմակերպվել՝ երիտասարդ արվեստագետներին աջակցելու համար։ Ցուցահանդեսը բաց է մինչև հուլիսի 7-ը։
Մանրամասները՝ տեսանյութում։
Արփի Հակոբյան
