04.06.2026 | 10:51
«Արարատ Մոթորս»-ի գործով հողամասը վերադարձնելն անհնար է․ ընկերությունից կբռնագանձվի 131 մլն դրամ
ՀՀ-ն կարող է տարածաշրջանային էներգետիկ հանգույց դառնալ․ Փաշինյանի ելույթը Եվրասիական կոնգրեսին․ ՏԵՍԱՆՅՈՒԹ
Քաղաքականություն
09.06.2023 | 14:09
ՀՀ վարչապետ Նիկոլ Փաշինյանը Սոչիում Եվրասիական կոնգրեսին ունեցած ելույթում անդրադարձել է Հայաստանում տնտեսական աճին ու ակտիվությանը։ Նա, մասնավորապես, նշել է, որ Հայաստանում տնտեսական աճի ու ակտիվության ցուցիչները բարենպաստ հիմք են ստեղծում դրական սպասելիքների համար՝ ինչպես այս տարվա, այնպես էլ առաջիկայի։
Փաշինյանն ասել է, որ կայուն զարգացումը հնարավոր է երեք հիմնական գործոններով՝ տնտեսական աճ, սոցիալական պատասխանատվություն և էկոլոգիական բալանս։
«Եվրասիան մեծ ներուժ ունի տնտեսական աճի համար, և անհրաժեշտ է համատեղ ծարգրեր իրականացնել։ Գլխավոր գործոններից է լոգիստիկ անվտանգության ապահովումը։ Ելնելով ներկա աշխարհաքաղաքական իրողություններից՝ անհրաժեշտ է նոր մոտեցում էներգետիկ օրակարգին»,- ասել է Հայաստանի վարչապետը։
Նա հավելել է, որ Հայաստանում էներգետիկ շուկայի ազատականացման ու զարգացման գործընթաց է ընթանում։
«Զարգացնում ենք արդյունաբերական հզորությունները։ Հայաստան-Իրան, Հայաստան-Վրաստան բարձրավոլտ գծերը, որոնք նպաստում են Հյուսիս-Հարավ էլեկտրաէներգիայի ուղուն, նոր հնարավորություններ են ստեղծում ներմուծման ու արտահանման, տարանցման կամ էներգիայի սեզոնային փոխանակման համար։ Հայաստանը կարող է դրանով դառնալ տարածաշրջանային էլեկտրաէներգետիկ հանգույց»,- ընդգծել է Նիկոլ Փաշինյանը։
Մանրամասները՝ տեսանյութում։
Էմմա Չոբանյան
