23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ասելով՝ ԼՂ-ն Ադրբեջանի մաս է, կտրեցինք միջազգային երաշխիքի շանսը․ առանց դրա՝ Ադրբեջանը չի պահի պայմանավորվածությունը․ Արա Պապյան․ ՏԵՍԱՆՅՈՒԹ
Քաղաքականություն
02.06.2023 | 19:02
Factor TV-ի հարցազրույցը ԱԺԲ խորհրդի անդամ, դիվանագետ Արա Պապյանի հետ
-Ուկրաինայի վրա ՌԴ հարձակումից գրեթե մեկուկես տարի անց Հայաստանի ղեկավարը հայտարարեց, որ «Ուկրաինայի դեմ պատերազմում Հայաստանը Ռուսաստանի դաշնակիցը չէ։ Մեր զգացումն այդ պատերազմից, հակամարտությունից անհանգստությունն է, որովհետև դա ազդում է մեր հարաբերությունների։ Ըստ Ձեզ՝ հենց այսպիսի՞ն պետք է լինի Հայաստանի դիրքավորումը։
-Այն, որ հիմա արդար չէ և ճիշտ չէ ՌԴ-ի հետ այս պատերազմում դաշնակից լինելը, միանշանակ է։ Եվ դա ի սկզբանե է եղել՝ անկախ նրանից, թե, օրինակ, Ուկրաինան ինչ քաղաքականություն է ունեցել Հայաստանի նկատմամբ, և այդ քաղաքականությունն իր հիմքերն ու արմատներն ուներ։ Ուղղակի հարցն այն է, որ նման քաղաքականությունը ՀՀ իշխանությունները, իմ կարծիքով, հետևողական չեն անում։ Ես վստահ չեմ, որ մի քանի օր հետո հակառակ մի բան չի հայտարարվի, որովհետև տարբեր հարցերում մենք տեսել ենք իշխանության, մասնավորապես, վարչապետի իրարամերժ տեսակետները։
-Այսինքն՝ սա վերջնական դիրքորոշում չեք համարում, որ դաշնակիցը չի Ռուսաստանի։
-Իհարկե՝ չեմ համարում, որովհետև շատ մեծ հաջողությամբ կարող է երկու շաբաթ հետո լրիվ հակառակ բանն ասի, մենք նման բաներ տեսել ենք։
-Տեսեք, ենթադրենք՝ Հայաստանը ՀԱՊԿ-ից, Ռուսաստանից իրական աջակցություն չի ստանում, պատճառների մեջ էլ նույնիսկ չխորանանք, և չի ստանալու ադրբեջանական վտանգից առաջ, միաժամանակ, Արևմուտքից չի ստանում այն հնարավորությունները, որ կարող էր ստանալ։ Փաշինյանն ինքը խոստովանում է՝ ՀԱՊԿ-ում լինելու պատճառով։ Այսինքն՝ ո՛չ նրանից է լիարժեք աջակցություն ստանում, ո՛չ նրանից։ Մեջտեղում գտնվելն ինչպիսի՞ կարգավիճակ է տալիս Հայաստանին։
-Կարգավիճակ․․․ եթե իմ մանկության բառերից մեկն օգտագործենք՝ «օլոմբա» կարգավիճակ է տալիս։ Դա այն վիճակն է, երբ քարը ո՛չ այս կողմ էր ընկնում, ո՛չ այն կողմ՝ կանգնած մնում էր։ Ասեմ ավելի քաղաքագիտական լեզվով․ մենք արդեն Ռուսաստանի դաշնակիցը չենք կամ ՌԴ-ն արդեն մեր դաշնակիցը չէ, բայց Արևմուտքը դեռևս մեր դաշնակիցը չէ։ Մենք ամենավտանգավոր կարգավիճակում ենք գտնվում։ Դա մեր մեղքով չէ՝ այն առումով, որ ՌԴ-ն մեր դաշնակիցը չի, բայց մեր մեղքով է, որ մենք հնարավորություն չենք տալիս Արևմուտքին՝ ավելին անել, քան անում է։ Որովհետև, այո՛, ՀԱՊԿ-ին անդամակցությունը լրջագույն խոչընդոտ է Հայաստանի ռազմաքաղաքական օգնության համար։ Ի վերջո, խոսքը կազմակերպությունից դուրս գալու մասին է, այլ ոչ թե ՌԴ-ի հետ այսօր երկկողմ պայմանագրերը չեղարկելու կամ թշնամանալու մասին։
Հարցազրույցն ամբողջությամբ՝ տեսանյութում։
Ռոբերտ Անանյան
