18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Շվեդիայի ափերի մոտ կետ են նկատել, որին ռուսական լրտես են համարում
Քաղաքականություն
30.05.2023 | 22:58
Մի քանի մետր երկարությամբ սպիտակ կետը, որին տեսախցիկի ժապավեն է կապված է եղել, առաջին անգամ տեսել են մի քանի տարի առաջ Նորվեգիայի ափերի մոտ։ Սա կասկածներ է առաջացրել, որ նրան օգտագործում են լրտեսության համար, գրում է Euronews-ը։
Այդ ժամանակից կետը ստացել է Հվալդիմիր մականունը, որը համակցված է «hval» (նորվեգերենից թարգմանաբար՝ կետ) և տարածված ռուսերեն Վլադիմիր անունից։ Նշվում է, որ կետին առաջին անգամ նկատել են 2019 թվականին, նրան ամրակցված է եղել ոչ մեծ տեսախցիկի հիմք՝ «Սանկտ Պետերբուրգի սարքավորում» գրությամբ։ Կենսաբանները կարողացել էին հանել այն։
Նորվեգիայի ձկնաբուծության տնօրինությունն այնուհետև ենթադրել է, որ կետը փախել է տարածքից, որտեղ նրան կարող էր վարժեցնել ռուսական նավատորմը, քանի որ նա ընտելացել է մարդկանց և լողալով հասել է նավերին:
Մոսկվան պաշտոնապես չէր մեկնաբանել այդ դեպքը։
Հիմա էլ OneWhale’s կազմակերպությունից Սեբաստիան Ստրանդան ասել է, որ անցյալ կիրակի կետին նկատել են Շվեդիայի արևմուտքում՝ Հուննեբոստրանդի մոտ: Սա ավելի հարավ է, քան այն վայրը, որտեղ նա հայտնվել էր 2019 թվականին: Հվալդիմիրը սովորականից ավելի արագ է շարժվել դեպի հարավ։
«Մենք չգիտենք, թե ինչու է նա հիմա այդպես արագ շարժվում։ Դա կարող է լինել հորմոններից կամ միայնությունից, քանի որ բերլուգաները շատ սոցիալական են և կարող են փնտրել իրենց ցեղակիցներին»,- ասել է նա։
Էմմա Չոբանյան
