02.04.2025 | 09:52
Վայոց ձորի և Սյունիքի մարզերի մի շարք վթարավտանգ ճանապարհահատվածներում աղմկոտ գոտիներ են տեղադրվում
Ալիևին ծանր զրույց է սպասվում Մակրոնի և Շոլցի հետ Քիշնևում․ իրեն ասելու են՝ հավաքի՛ր քեզ, ճնշում են՝ նա անխոցելի չէ. Դավիթ Ստեփանյան. ՏԵՍԱՆՅՈՒԹ
Քաղաքականություն
30.05.2023 | 19:17
ԼՂ ՊԲ-ի հաղորդմամբ՝ մայիսի 30-ին Ադրբեջանի ԶՈւ-ն շփման գծի հյուսիսային և արևելյան ուղղությամբ խախտել է հրադադարը` կիրառելով հրաձգային զենք և ականանետ։ Ժամը 11։40-ի սահմաններում ադրբեջանական կողմը, նախնական տվյալներով, 60 մմ տրամաչափի ականանետից 7 ական է արձակել ՊԲ դիրքերից մեկի ուղղությամբ։ Հայկական կողմը կորուստներ չունի։
Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանին հարց ուղղեցինք՝ ի՞նչն է այսօր խանգարում Ադրբեջանին, որ նախ՝ հարվածներով զինաթափի ՊԲ-ն, մտնի Ստեփանակերտ, փոխի իշխանությունը, նշանակի իր ներկայացուցչին և արցախցիներին վերջնագիր ներկայացնի՝ կա՛մ համաձայնվում են ապրել Ադրբեջանի օրենքներով և քաղաքացիությամբ, կա՛մ կարող են հեռանալ։ Այս սցենարի մասին բաց և հրապարակային՝ առանց մանրամասնելու, իհարկե, ակնարկում է Ալիևը։
Ըստ փորձագետի՝ Ալիևը չի ստացել աշխարհաքաղաքական կենտրոններից ԼՂ-ի դեմ լայնամասշտաբ ուժ կիրառելու իրավունք, բայց եթե հայկական կողմը չգործի, նա կարող է ստանալ այդպիսի ծանր քայլերի դիմելու թողտվություն։ Դավիթ Ստեփանյանը մեծ անելիք է տեսնում Արցախում, որի բնակիչները, ըստ նրա, կարող են փակել Հաքարիի կամուրջը և պահանջել բացել այն։ Դա, ըստ Դավիթ Ստեփանյանի, կրկին ակտուալ կդարձնի ԼՂ-ի հարցը։
Եվրոպական քաղաքական համայնքի հունիսի 1-ի հավաքի շրջանակում հանդիպելու են Իլհամ Ալիևը և Նիկոլ Փաշինյանը՝ Մակրոնի, Շոլցի, Միշելի միջնորդությամբ։ Մակրոնի հետ նախորդ հանդիպումն արդյունավետ էր՝ ԵՄ դիտորդների տեղակայում տեղի ունեցավ ՀՀ-ում։ Փաստորեն, Արցախի իշխանության մարմինների տարալուծում Ալիևը պահանջում է Քիշնևում հանդիպումից առաջ, ինչպես նաև գնում է կրակոցներով իրավիճակը թեժացնելու ճանապարհով։
«Այս կրակոցներով Ալիևը Քիշնևի հանդիպմանն է պատրաստվում, նա նաև առևանգել է զինվորների, որպեսզի ահաբեկիչների հետ փոխարինի։ Ալիևը ծանր զրույց է ունենալու Մակրոնի և Շոլցի հետ, որոնք իրեն ասելու են, որ իրեն հավաքի։ Այսինքն՝ ճնշում կա նրա վրա, նա անխոցելի չէ»,- ասաց Դավիթ Ստեփանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
