14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Մենք շարունակելու ենք ճնշել երկու կողմերին՝ միասին աշխատելու, որպեսզի հասնեն համաձայնության․ ԱՄՆ պետքարտուղարության խոսնակ
Քաղաքականություն
26.05.2023 | 11:42
ԱՄՆ Պետքարտուղարության խոսնակ Մեթյու Միլլերը նախօրեի ճեպազրույցում անդրադարձել է Մոսկվայում կայացած Հայաստան-Ադրբեջան բանակցություններին։ Պատասխանելով հարցին արդյո՞ք ԱՄՆ հետևում է գորընթացին, երբ այս դեպքում ներկա չէր սենյակում՝ Միլլերն ասել է․
«Մենք սենյակում չենք, ինչպես դուք նշեցիք, բայց գործընթացը շարունակում է մեզ համար մնալ առաջնահերթություն: Ինչպես գիտեք, պետքարտուղարը մի քանի շաբաթ առաջ ողջունել է երկու կողմերին այստեղ՝ Վաշինգտոնում։ Մենք հասկանում ենք, որ դրանից հետո բանակցությունները շարունակվել են Բրյուսելում, և մենք աջակցում ենք, որ բանակցությունները շարունակվեն։ Ինչպես արդեն ասել ենք, մենք հավատում ենք, որ համաձայնությունը ձեռք կբերվի և մենք շարունակելու ենք ճնշել երկու կողմերին՝ միասին աշխատելու, որպեսզի հասնեն համաձայնության այն հարցերում, որոնք չլուծված են մնում»։
Պատասխանելով հարցին, թե պետքարտուղար Բլինքենը առաջիկա շաբաթներին կամ օրերին ծրագրում է՞ կողմերի հետ հանդիպել՝ Միլլերը նշել է, որ հանդիպում եղել է մի քանի շաբաթ առաջ։
«Նա շարունակում է ներգրավված մնալ։ Բայց ես հետագա հանդիպումների մասին հայտարարություններ չունեմ անելու»,-ասել է Պետքարտուղարության խոսնակը։
Էմմա Չոբանյան
