23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Այսօր Մոսկվայում եռակողմ հանդիպում կլինի․Պողոսյանը պնդում է՝ ինքն է ահազանգել կոկաինի գործով․ Լուրեր
Քաղաքականություն
25.05.2023 | 12:20
- Նիկոլ Փաշինյանը գիշերն աշխատանքային այցով ժամանել է Մոսկվա։ Նախատեսված է Փաշինյանի, Վլադիմիր Պուտինի և Իլհամ Ալիևի եռակողմ հանդիպում: Այցի շրջանակում տեղի կունենա նաև Փաշինյանի առանձին հանդիպում Պուտինի հետ: Իր հերթին Իլհամ Ալիևը այսօր է ժամանել Մոսկվա։ Ալիևը նույնպես առանձին հանդիպում է ունենալու Պուտինի հետ։
- ԱՄՆ պետքարտուղարության խոսնակ Մեթյու Միլլերը հայտարարել է, որ աջակցում ենք, որ Երևանի և Բաքվի միջև բանակցությունները տեղի ունենան՝ լինեն դրանք Վաշինգտոնում, Բրյուսելում, թե աշխարհի ցանկացած այլ վայրում: Ըստ պետքարտուղարության՝ կարևորն այն է, որ երկու կողմերը շարունակեն խոսել միմյանց հետ։
- ԴԱՀԿ նախկին ղեկավար, հետախուզման մեջ գտնվող Միհրան Պողոսյանը հայտարարել է, որ ինքն է ահազանգել բանանի բեռի հետ Հայաստան տեղափոխված 1 տոննա կոկաինի առկայության մասին։ Ըստ Պողոսյանի՝ ինքն ուղիղ կապվել է ԱԱԾ տնօրենի հետ, քանի որ կասկածելի բեռը հայտնաբերվել է իր մտերիմների ընկերության բեռի մեջ։ Մինչ այդ ԱԱԾ-ն հայտնել էր ընկերության անունը, որին հասցեագրված էր եղել բեռը։ Այն կապվում է հենց Պողոսյանի հետ։
- ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքն ակնկալում է, որ Վրաստանը «հավատարիմ կմնա ժողովրդավարական արժեքներին» և Ռուսաստանի դեմ արևմտյան պատժամիջոցներին։ ՆԱՏՕ-ի գլխավոր քարտուղարը նաև հիշեցրել է, որ դաշինքը երկար տարիներ աշխատում է Վրաստանի հետ՝ օգնելով բարեփոխումներ իրականացնել։
Այս ժամի լուրերը՝ տեսանյութում։
