01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
ԼՂ նախագահը դիմել է Փաշինյանին և Պուտինին. Արցախում ապօրինի թանկացրել են ապրանքները. Լուրեր
Քաղաքականություն
24.05.2023 | 13:25
- Արցախի նախագահ Արայիկ Հարությունյանը գիշերը հրապարակված ուղերձում դիմել է Հայաստանի իշխանություններին՝ հորդորելով ձեռնպահ մնալ Արցախը Ադրբեջանի կազմում ճանաչելու որևէ գործողությունից ու հայտարարությունից։ Հարությունյանը դիմել է նաև ՌԴ իշխանություններին և ՌԴ նախագահ Վլադիմիր Պուտինին և կոչ արել ապահովել նոյեմբերի 9-ի եռակողմ հայտարարությամբ ստանձնած պարտավորությունները՝ բացելով Լաչինի (Քաշաթաղի) միջանցքը, ազատելով Արցախի 120,000 բնակչությանը ահաբեկչական պատանդառությունից և կանխելով ադրբեջանական ագրեսիվ գործողությունները Արցախի ժողովրդի հանդեպ:
- Արցախի պետնախարար Գուրգեն Ներսիսյանը հայտարարել է, որ ապրանքների մանրածախ վաճառքի գների կոպիտ խախտումներ են արձանագրվել Մարտակերտ քաղաքում, Մարտակերտի շրջանի Վանք, Առաջաձոր և Քոլատակ համայնքներում, որոնց առնչությամբ հարուցվել են վարչական վարույթներ:
- Զոհված զինծառայողների ծնողները դադարեցնում են ՀՀ կառավարության շենքի դիմաց իրենց նստացույցը, ինչի մասին երեկոյան հայտնել են լրագրողներին։ Ավելի վաղ զոհված զինծառայողի մայր Գայանե Հակոբյանի փաստաբանները հայտնել էին, որ դադարեցնում են իրենց մասնակցությունը քրեական վարույթի հետագա ընթացքին։
Այս ժամի լուրերը՝ տեսանյութում։
