01.11.2024 | 22:14
Ժնևի ՄԱԿ-ի գրասենյակում բացվել է Հայաստան-Ֆրանսիա բարեկամության սենյակ
ԱՄՆ-ը, Ֆրանսիան ճանաչել են Արցախի ինքնորոշման իրավունքը, հո ՀՀ-ին չե՞ն հարցրել․ Երևանը չի՛ կարող ԼՂ-ին զրկել այդ իրավունքից․ Սուրեն Սահակյան. ՏԵՍԱՆՅՈՒԹ
Քաղաքականություն
23.05.2023 | 20:02
Նիկոլ Փաշինյանը հայտարարեց, որ Հայաստանը ճանաչում է Ադրբեջանի 86 հազար 600 ք/կմ տարածքային ամբողջականությունը։ Դրա մեջ մտնում է նաև Լեռնային Ղարաբաղը, և ասաց, որ իր ընկալմամբ՝ Ադրբեջանը պատրաստ է ճանաչել ՀՀ 29 հազար 800 ք/կմ տարածքային ամբողջականությունը։ Նա, միաժամանակ, ասաց, որ պետք է միջազգային մեխանիզմով քննարկվի Լեռնային Ղարաբաղի հայության իրավունքների և անվտանգության հարցը։
Ադրբեջանի տարածքային ամբողջականության ճանաչումը ՀՀ-ի կողմից զրկո՞ւմ է ԼՂ-ին Բաքվի հետ միջազգային մեխանիզմով բանակցության ժամանակ բարձրացնել ինքնորոշման իրավունքի հարցը։
Հանրային-քաղաքական գործիչ Սուրեն Սահակյանը Factor TV-ին տված հարցազրույցում ասում է, որ ոչ ոք չի կարող ԼՂ-ին զրկել ինքնորոշման իրավունքից։
«Հայաստանը չի զրկում Արցախին ինքնորոշման իրավունքից՝ Ադրբեջանի տարածքային ամբողջականությունը ճանաչելով։ ԱՄՆ-ը, Ֆրանսիան, Գերմանիան ճանաչել են Արցախի ինքնորոշման իրավունքը, հո ՀՀ-ին չե՞ն հարցրել։ Նրանք հիմնվել են միջազգային իրավունքի վրա։ Այն ազգերը, որոնք պոտենցիալ են գտնում իրենց մեջ՝ ինքնորոշվում են, իրավունք ունեն առանց մետրոպոլիային հարցնելու իրենց ճակատագիրը տնօրինել։ Դա տարածքային ամբողջականության հետ կապ չունի։ Երևանը չի կարող ԼՂ-ին զրկել այդ իրավունքից»,- ասաց Սուրեն Սահակյանը։
Հարցազրույցն ամբողջությամբ՝ տեսանյութում։
Ռոբերտ Անանյան
