Հանրային քննարկման դրված նախագծին տրված բացասական գնահատականը չի կարող հիմք հանդիսանալ այն փոխելու համար․ Հերիքնազ Տիգրանյան․ ՏԵՍԱՆՅՈՒԹ

Հանրային քննարկումների կազմակերպման և անցկացման կարգը սահմանելու մասին կառավարությունը նոր նախագիծ է ներկայացրել, որը  e-draft.am կայքում դրված է հանրային քննարկման։ Նախագծին արդեն կողմ է քվերակել 62 տոկոս, դեմ՝ 38 տոկոս։

«e-draft.am կայքում նախագծի հրապարակումն ու այո կամ ոչ պատասխանները որևէ էական ազդեցություն նախագծի հետագա ճակատագրի վրա չեն ունենա, քանի որ դա, ընդամենը, վերաբերմունք է,  և եթե անգամ այնտեղ կտեսնենք 100 տոկոսով դեմ քվեարկություն, դա, ամենևին, չի նշանակում, որ նախագծի հեղինակները կարող են այդ բացասական քվեարկությունը հասցնել մինչև վերջ»,- այս մասին այսօր  «Հանրային քննարկումների կազմակերպման և անցկացման կարգը սահմանելու մասին կառավարության նոր նախագիծ. քաղաքացիական հասարակության առաջարկներն ու մտահոգությունները» թեմայով քննարկման ժամանակ ասաց Թրանսփարենսի ինթերնեյշնլ հակակոռուպցիոն կենտրոնի իրավախորհրդատու Հերիքնազ Տիգրանյանը։

Վերջինս նշեց, որ ներկայացված նախագծում տերմինների սխալմունք կա, ինչը հեղինակները պետք է հստակեցնեն․  «3-րդ հոդվածում խոսվում է, որ հանրային քննարկումն իրականացնում է մշակող կամ ընդունող մարմինը, իսկ 4-րդ հոդվածում խոսվում է ընդունող մարմնի մասին։ Այստեղ հստակեցման հարց կա»։

Հերիքնազ Տիգրանյանը նշեց, որ օրենքով չեն նախատեսվում նաև այն հիմքերը, թե այս կամ այն նախագծի մերժման հիմքը ինչն է հանդիսացել և հետևաբար կան կարգավորման ենթակա մի շարք հարցեր։ 

Մանրամասները՝ տեսանյութում։