21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Երկու ադրբեջանցիներին պետք է փոխանակենք մեր գերիների հետ, իմիջայլոց, սրանից մեկը հանցագործ է. ՏԵՍԱՆՅՈՒԹ
Քաղաքականություն
16.05.2023 | 20:56
Փաշինյան – Ալիև – Միշել հանդիպման ժամանակ պայմանավորվածություն է ձեռք բերվել առաջիկա շաբաթների ընթացքում բոլոր գերիներին վերադարձնել։ ՔՊ-ական պատգամավոր Գագիկ Մելիքյանը Factor TV-ի հետ զրույցում անդրադառնալով այս դիտարկմանը և հարցին, թե երբ կսկսվի այս գործընթացը, նշեց․ «Ես տեղեկություն չունեմ, թե երբ կսկսվի այդ գործընթացը, բայց մտահոգ եմ, որ Ադրբեջանը չի անելու, էլի խաբելու է»։
Նշենք, որ գերիներին և պահվող այլ անձանց արագացված միմյանց փոխանցելու մասին կիրակի Բրյուսելում կայացած Փաշինյան-Ալիև հանդիպումից հետո հայտարարել էր ԵՄ Խորհրդի նախագահ Շառլ Միշելը։
Անդրադառնալով հարցին, թե հայկական կողմն ինչպես է վարվելու ադրբեջանցի երկու զինծառայողների հետ, որոնք խախտումով հատել են ՀՀ պետական սահմանը, Մելքոնյանը նշեց, որ չի բացառում՝ Հայաստանը նրանց կվերադարձնի Բաքվին՝ հայ գերիների դիմաց։
«Նրանց պետք է փոխանակենք Բաքվում գտնվող մեր գերիների հետ։ Իմիջիայլոց նրանցից մեկը հանցագործ – մարդասպան է, իրականում հանցագործ է, ոչ թե մեր գերիների նման, որ այնտեղ սարքեցին հանցագործներ և կեղծ դատավարություն արեցին։ Ինձ թվում է կփոխանակեն, բայց քանի գերու դիմաց՝ չգիտեմ»,- նշեց պատգամավորը։
Մանրամասները՝ տեսանյութում։
Նարեկ Կիրակոսյան
