04.06.2026 | 22:22
Սամվել Կարապետյանը հաղթելու է և տեղափոխվի Հայաստան. Նարեկ Կարապետյան. ՏԵՍԱՆՅՈՒԹ
Հայաստան եկող 2,7 տոննա կոկաին է առգրավվել. ԱԳՆ տեղակալը՝ ՌԴ-ից գնված զենքը չստանալու մասին․ Լուրեր
Քաղաքականություն
16.05.2023 | 16:00
- ԱԳ նախարարի տեղակալ Մնացական Սաֆարյանը այսօր խուսափել է պատասխանել հարցին՝ արդյո՞ք Փաշինյանը Բրյուսելում Արցախը Ադրբեջանի մաս է ճանաչել։ Նա հորդորել է չպարտադրել «այո» կամ «ոչ» պատասխան։ Միաժամանակ ասել է, թե բանակցություններն ընթանում են ԼՂ իրավունքների և անվտանգության միջազգային մեխանիզմներ ստեղծելու շուրջ։
- Փոխարտգործնախարարը նաև նշել է, որ ՀԱՊԿ-ից դուրս գալու հարցը քննարկել են սեպտեմբերին Ջերմուկի և այլ ուղղություններում Ադրբեջանի հարձակման շրջանում։ Նա նաև հաստատել է, որ Հայաստանը Ռուսաստանից չի ստացել այն սպառազինությունը, որի համար վճարել է։ Նրա խոսքով՝ հիմա աշխատում են այդ ուղղությամբ։
- Պաշտպանության նախարարությունը ներկայացրել է նոր նախագիծ, որով օգոստոսի 1-ից մինչև հոկտեմբերի 13-ը նախատեսվում է անցկացնել պահեստազորայինների վարժական հավաքներ, որոնց կներգրավվի 2352 քաղաքացի, որոնցից 2115-ը՝ շարքային և կրտսեր ենթասպայական կազմերից համազորային մոտոհրաձգային, կապի, հետախուզական, ինժեներական, հրթիռահրետանային մասնագիտություններով։
- Իտալիայում 2,7 տոննա ընդհանուր քաշով կոկաին է առգրավվել, որը նախատեսվում էր Վրաստանի Բաթումի նավահանգստով ուղարկել Հայաստան։ Այն պահված է եղել Էկվադորից ուղարկված բանանների արկղերում։ Առգրավված բեռի արժեքը սև շուկայում ավելի քան 800 միլիոն եվրո է (880 միլիոն դոլար)։
Այս ժամի լուրերը՝ տեսանյութում։
