05.08.2026 | 19:43
Ջրափրկարարները 5-ամյա երեխային անվտանգ դուրս են բերել ափ
Իտալիայում 2,7 տոննա կոկաին է հայտնաբերվել, որը Վրաստանով պետք է Հայաստան տեղափոխվեր․ Reuters. ՏԵՍԱՆՅՈՒԹ
Քաղաքականություն
16.05.2023 | 14:00
Իտալիայի հարավում գտնվող Ջոյա Տաուրո քաղաքի նավահանգստում 2,7 տոննա ընդհանուր քաշով կոկաին է առգրավվել, որը նախատեսվում էր Վրաստանի Բաթումի նավահանգստով ուղարկել Հայաստան։ Այս մասին հայտնում է Reuters-ը՝ հղում կատարելով տեղի ոստիկանությանը։ Ըստ աղբյուրի՝ Հարավային Իտալիայի ոստիկանությունը հայտարարել է, որ առգրավել է 2700 կգ բարձր մաքրության կոկաին, որը պահված է եղել Էկվադորից ուղարկված բանանների արկղերում։ Առգրավված բեռի արժեքը սև շուկայում ավելի քան 800 միլիոն եվրո է (880 միլիոն դոլար)։
Նշվում է, որ բեռը շարժվել է Էկվադորի Գուայաքիլ նավահանգստից, իսկ վերջնական նպատակակետը Հայաստանն էր՝ Վրաստանի Բաթումի նավահանգստով տարանցմամբ։ Ոստիկանությունից հավելել են, որ թմրանյութը հայտնաբերվել է բեռնատարում՝ շնորհիվ մասնագիտացված սկաներների, օգնել է նաև Ջոել անունով վարժեցված շունը:
Factor.am-ը փորձում է ՀՀ իրավապահներից մեկնաբանություն ստանալ խնդրի առնչությամբ, այն կներկայացնենք լրացուցիչ։
