23.04.2026 | 14:00
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
ԱՄՆ Պետքարտուղարությունը՝ Փաշինյան-Միշել-Ալիև բրյուսելյան բանակցությունների մասին
Քաղաքականություն
16.05.2023 | 11:24
ԱՄՆ Պետքարտուղարության փոխխոսնակ Վեդանտ Պատելը հերթական ճեպազրույցում անդրադարձել է Բրյուսելում տեղի ունեցած հայ-ադրբեջանական բանակցություններին։ «Ես չունեմ որևէ լրացուցիչ գնահատական։ Կթողնեմ, որ երկու կողմերը խոսեն թարմացումների մասին։ Ակնհայտ է, որ ԱՄՆ-ն այս բանակցությունների մաս չի եղել։ Բայց որպես Արլինգթոնում մեր հյուրընկալած բանակցությունների շարունակություն, մենք շարունակում ենք հավատալ, որ դրանք կարևոր առաջընթացի քայլեր են, քանի որ շարունակում ենք գտնել, որ այս երկու երկրների միջև հնարավոր է կայուն խաղաղություն»,-ասել է Պատելը։
Հավելենք, որ մայիսի 14-ին Բրյուսելում տեղի էր ունեցել Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը։ Մայիսի 1-4-ն էլ Վաշինգտոնում ԱՄՆ պետքարտուղար Էնթոնի Բլինքենի միջնորդությամբ բանակցություններ էին տեղի ունեցել Հայաստանի ԱԳ նախարար Արարատ Միրզոյանի ու Ադրբեջանի ԱԳ նախարար Ջեյհուն Բայրամովի միջև։
Էմմա Չոբանյան
