04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Պապիկյանն այցելել է ապաքինվող զինվորներին․ Մարուքյանը հակադարձել է ԱՄՆ պետդեպի փոխխոսնակին․ Լուրեր
Քաղաքականություն
12.05.2023 | 16:45
- Մայիսի 12-ին՝ ժամը 10:00-ի սահմաններում, Ադրբեջանի ԶՈՒ-ն Սոթքի ուղղությամբ խախտել է հրադադարը՝ կիրառելով ԱԹՍ․ տեղեկացնում են ՀՀ ՊՆ-ից։ Վիրավորում են ստացել ՀՀ ԶՈՒ 2 զինծառայող: Զինծառայողներից մեկի վիճակը գնահատվում է բավարար, մյուսինը՝ ծանր:
- Մայիսի 12-ին պաշտպանության նախարար Սուրեն Պապիկյանն այցելել է ՊՆ կենտրոնական կլինիկական զինվորական հոսպիտալ և տեսակցել Սոթքի ուղղությամբ ադրբեջանական սադրանքի հետևանքով վիրավորում ստացած զինծառայողներին։ ՄԻՊ ներկայացուցիչները նույնպես այցելել են Ադրբեջանի ագրեսիվ գործողությունների հետևանքով վիրավորում ստացած 2 զինծառայողներին։
- ԱՄՆ Պետքարտուղարության փոխխոսնակ Վեդանտ Պատելը ճեպազրույցում անդրադարձել է նախօրեին Սոթքի ուղղությամբ ադրբեջանական կողմի հերթական ագրեսիային։ Նա նշել է, որ Հայաստանի և Ադրբեջանի առաջնորդներին կոչ են անում, որ երբ հանդիպեն Բրյուսելում մայիսի 14-ին, համաձայնեն իրենց ուժերը հեռացնել սահմանի երկայնքով։
- ՀՀ վարչապետի հատուկ հանձնարարություններով դեսպան Էդմոն Մարուքյանն արձագանքել է ԱՄՆ Պետքարտուղարության փոխխոսնակին և նշել է, որ դա փոխհրաձգություն չէր, այլ ադրբեջանական բանակի հերթական հարձակումը, իսկ Հայաստանի պահանջն այն է, որ Ադրբեջանը պետք է դուրս բերի իր օկուպացիոն զորքերը Հայաստանի ինքնիշխան տարածքից և վերադառնա միջազգայնորեն ճանաչված սահմաններ։
Այս ժամի լուրերը՝ տեսանյութում։
