04.05.2024 | 13:39
Kartes Analytica-ին շնորհվել է Տիեզերական գործունեության լիցենզիա
Պեսկովը Երևանին և Բաքվին զսպվածության կոչ է արել՝ հայտնելով, որ Պուտինը չի պատրաստվում զրուցել Փաշինյանի և Ալիևի հետ
Քաղաքականություն
11.05.2023 | 14:44
ՌԴ նախագահ Վլադիմիր Պուտինի շփումները Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ ներկայում նախատեսված չեն՝ Երևանի և Բաքվի միջև նոր սրացման ֆոնին։ Այս մասին հայտարարել է Ռուսաստանի նախագահի մամուլի խոսնակ Դմիտրի Պեսկովը, փոխանցում է ՏԱՍՍ-ը։
«Ներկայում՝ ոչ, սակայն շփումները շարունակվում են։ Պուտինը նախօրեին է առանձին զրույց ունեցել Փաշինյանի հետ, որը գտնվում էր Մոսկվայում։ Շարունակվում են շփումները նաև ադրբեջանական կողմի հետ։ Ռուսաստանը շարունակում է կատարել իր գործառույթները, որոնք նախատեսված են եռակողմ փաստաթղթերով։ Իհարկե, մենք կողմերից զուսպ մոտեցում ենք ակնկալում և կոչ ենք անում չձեռնարկել որևէ գործողություն, որը կարող է հանգեցնել լարվածության աճի: Մենք կշարունակենք շփումները Բաքվի և Երևանի հետ»,- ասել է Պեսկովը։
Հիշեցնենք, որ մայիսի 11-ին՝ ժամը 06:00-ից, Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ։ Ադրբեջանական ԶՈՒ-ի հերթական ագրեսիայի հետևանքով հայկական կողմն ունի 4 վիրավոր, նրանց կյանքին վտանգ չի սպառնում։
Էմմա Չոբանյան
