19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Սեղանին պետք է լինեն Ադրբեջանի պաշտոնյաների դեմ պատժամիջոցները․ ԱՄՆ Սենատի արտաքին հարաբերությունների կոմիտե
Քաղաքականություն
11.05.2023 | 13:47
ԱՄՆ Սենատի արտաքին հարաբերությունների հանձնաժողովն անդրադարձել է Ադրբեջանի իշխանությունների կողմից շարունակվող Արցախի շրջափակմանն ու ստեղծված հումանիտար իրավիճակին։
«Բաքվի կողմից Լեռնային Ղարաբաղի շրջափակման 150 օրից պարզ է, որ Ալիևը հումանիտար ճգնաժամ է ստեղծել և անջատել էներգիան կարևոր ենթակառուցվածքների համար: Քանի որ մենք ճնշում ենք գործադրում, որ Լաչինի միջացքը բացվի, սեղանին պետք է լինեն Ադրբեջանի բարձաստիճան պաշտոնյաների նկատմամբ պատժամիջոցները»,- ասվում է հանձնաժողովի թվիթերյան գրառման մեջ։
Հավելենք, որ դեկտեմբերի 12-ից Ադրբեջանը փակ է պահում Լաչինի միջանցքը։ Ապրիլի 23-ին էլ Բաքուն, խախտելով 2020 թվականի նոյեմբերի 9-ի եռակողմ հայտարարությունը, ապօրինի անցակետ է տեղադրել Լաչինի միջանցքում՝ ռուս խաղաղապահների պատասխանատվության գոտում։
Էմմա Չոբանյան
