27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Վաշինգտոնի գնահատմամբ Հայաստանի և Ադրբեջանի պատվիրակությունները զգալի առաջընթաց են գրանցել բարդ խնդիրների լուծման գործում
Քաղաքականություն
09.05.2023 | 10:53
Հայաստանի և Ադրբեջանի պատվիրակություններն ԱՄՆ-ում զգալի առաջընթաց են գրանցել բարդ խնդիրների լուծման գործում։ Այս մասին ճեպազրույցում հայտարարել է Միացյալ Նահանգների արտաքին քաղաքական գերատեսչության խոսնակի տեղակալ Վեդանտ Պատելը:
«Անցյալ շաբաթվա քննարկումները կառուցողական էին, և մենք կարծում ենք, որ Հայաստանի և Ադրբեջանի պատվիրակությունները զգալի առաջընթաց են գրանցել բարդ խնդիրների լուծման գործում։ Երկու երկրներն էլ, ինչպես գիտեք, սկզբունքորեն համաձայնել են որոշակի պայմանների և ավելի լավ են հասկանում միմյանց տեսակետները։ Եվ մենք հավատում ենք, որ հավելյալ բարի կամքով, ճկունությամբ և փոխզիջումներով պայմանագիրը հասանելի կլինի»,-հայտարարել է Պատելը՝ նշելով, որ Միացյալ Նահանգները շարունակում է ապահովել լիակատար աջակցություն ու ներգրավվածություն, քանի որ երկու երկրները շարունակում են երկխոսությունը։
Ինչպես նշել է Պատելը ըստ առկա տվյալների՝ կողմերը շարունակում են փոխադարձ շփումները։ «Եվ մենք ողջունում ենք այդ մասին հաղորդագրությունները։ Մենք վերահաստատում ենք մեզ համոզմունքը, որ խաղաղությունը հասանելի է, և որ ուղիղ երկխոսությունը խնդիրների լուծման ու հարատև խաղաղության հասնելու բանալին է»։
Տաթև Ֆռանգյան
