04.04.2026 | 20:03
ՃՏՊ՝ հրդեհի բռնկմամբ
Թուրքիան սպառնալի՛ք է ՀՀ-ին դիտում. արձանի հեռացման պահանջը դա փաստեց. Հրաչյա Արզումանյան․ ՏԵՍԱՆՅՈՒԹ
Քաղաքականություն
08.05.2023 | 21:32
Թուրքիան նյարդային է ընկալել Երևանում «Նեմեսիս» գործողությանն ու դրա մասնակիցներին նվիրված արձանի տեղադրումը։ Փակել են օդային տարածքը թե՛ ՀՀ-ի պաշտոնական, թե՛ այլ չվերթների համար։
Չավուշօղլուն է կոշտ խոսել․ «Դուք հիմա իմ դիվանագետներին նահատակ դարձրած ահաբեկիչների արձանը որ դնում եք, ես դա չեմ կարող ընդունել։ Եթե շարունակեն այսպես գործել, կարգավորման գործընթացը կընդհատվի»։
Թուրքիայի արտգործնախարար Մևլութ Չավուշօղլուն «Lider Haber» TV-ի եթերում անդրադարձել է «Նեմեսիս» գործողությանը նվիրված աղբյուր-հուշակոթողի տեղադրմանը Երևանում, ինչպես նաև հայ-թուրքական կարգավորման գործընթացին։ Փաշինյանն ասաց՝ ոչ թե կառավարությունը, այլ ՏԻՄ-ն է այդպիսի որոշում ընդունել, և որ չնայած իր քաղաքական թիմն է, ինքն այդ որոշումը սխալ է համարում։ Ի տարբերություն Փաշինյանի՝ ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը սխալ չի համարում արձանի տեղադրման որոշումը։
«Թուրքիան պահանջեց հեռացնել «Նեմեսիս» արձանը, ինչը վկայում է, որ չի ուզում ՀՀ-ի հետ նորմալ հարաբերություն ունենալ։ Արձան դնելն ուղղակի առիթ է գործընթացը ձախողելու։ Իրականում Թուրքիան վախենում է ՀՀ-ից՝ խիստ պահանջը դա է փաստում․ դու որակական սպառնալիք ես նրա համար, և այդ պատճառով ինքը խիստ է վերաբերվում։ Պետք է հասկանալ, թե ինչու է սպառնալիք դիտարկում Հայաստանին»,- ասաց փորձագետը։
Հարցազրույցն ամբողջությամբ՝ տեսանյութում։
Ռոբերտ Անանյան
