13.09.2026 | 14:32
Մոլդովական փողոցում խոտածածկույթի հրդեհ է բռնկվել, առկա էր տարածման վտանգ
Իրանում տարեսկզբից 203 մարդ է մահապատժի ենթարկվել
Քաղաքականություն
08.05.2023 | 23:15
Իրանում այս տարվա սկզբից մահապատժի են ենթարկել առնվազն 203 բանտարկյալի, որոնցից երկուսին՝ սրբապղծության համար: Այս մասին հայտնում է Associated Press-ը՝ հղում անելով Iran Human Rights-ին։
Նշվում է, որ Յուսեֆ Մեհրադը և Սադրոլլա Ֆազելի Զարեն մահապատժի են ենթարկվել Իրանի կենտրոնական Արաք բանտում։
Միջազգային կրոնական ազատության հարցերով ԱՄՆ հանձնաժողովի տվյալներով՝ նրանք ձերբակալվել են 2020 թվականի մայիսին՝ նախապաշարմունքների և կրոնի քննադատություն կոչվող Telegram ալիքին միանալու մեղադրանքով։ Երկուսն էլ մի քանի ամիս գտնվել են մեկուսարանում և չեն կարողացել կապ հաստատել իրենց ընտանիքների հետ։
Mizan տեղեկատվական գործակալությունը, որը տեղեկություններ է հայտնում Իրանի դատական համակարգի աշխատանքի մասին, հաստատել է մահապատժի լուրը։ Տղամարդիկ, իբր, վիրավորել են Մուհամեդ մարգարեին, քարոզել աթեիզմ և այրել Ղուրանը:
Իրանում 2022 թվականին մահապատժի է ենթարկվել առնվազն 582 մարդ, իսկ 2021 թվականին՝ 333 մարդ:
Հիշեցնենք, որ Իրանի դատարանը Թեհրանի նահանգում բողոքի ցույցերի մասնակիցներից մեկի նկատմամբ առաջին մահապատիժն է կայացրել։
Ավելի վաղ հաղորդվել էր, որ Իրանը պատրաստվում է մահապատժի ենթարկել մարդկանց, ովքեր բողոքի ցույցեր են անում երկրի փողոցներում։ Խոսքը 14 հազարից ավելի մարդու մասին է։
Տաթև Ֆռանգյան
