04.06.2026 | 18:28
UFC-ի չեմպիոնին արգելել են ներկա գտնվել Սպիտակ տան մրցաշարին Թրամփի և Նեթանյահուի մասին հայտարարություններից հետո
Դեօկուպացիայի խոստում՝ նախընտրական ծրագրում․ Փաշինյանը 2 տարի անց այլ բան է ասում․ ԵզրաԿԱՑՈՒԹՅՈՒՆ․ ՏԵՍԱՆՅՈՒԹ
Քաղաքականություն
05.05.2023 | 17:05
2021 թվականի արտահերթ խորհրդարանական ընտրություններից առաջ «Քաղաքացիական պայմանագիր» կուսակցության նախընտրական ծրագրի «Արցախյան հիմնախնդիր» բաժնում գրված է․ «Բանակցային գործընթացում Հայաստանի առաջնահերթություններից է լինելու այն տարածքների դեօկուպացիան, որի վրա ինքնորոշվել է Արցախի ժողովուրդը, նախևառաջ նախկին ԼՂԻՄ բնակավայրերի վերադարձն Արցախի վերահսկողության ներքո՝ խաղաղ, բանակցային ճանապարհով, ինչը հնարավորություն կտա տեղահանված անձանց վերադառնալ իրենց տները»։ Խոսքն, ըստ էության, Հադրութի և Շուշիի մասին է, որոնք 44-օրյա պատերազմի հետևանքով անցան Ադրբեջանի տիրապետության տակ։
2023 թվականի մայիսի 3-ին, սակայն, պատգամավորների հետ հարցուպատասխանի ժամանակ երկրի վարչապետն ԱԺ ամբիոնից հայտարարեց․ «Հայաստանը պետք է հայտարարի՝ տարածքային նկրտումներ չունի և չի ունենալու որևէ այլ երկրի նկատմամբ, հակառակ դեպքում՝ չորս կողմից ամեն ինչ անելու են ու անում են, որ մենք որպես պետություն չլինենք»։
Հարց է առաջանում՝ այդ դեպքում ինչո՞ւ էր պատերազմից հետո տեղի ունեցած ընտրությունների քարոզարշավի ժամանակ Նիկոլ Փաշինյանը նախընտրական ծրագրում գրում, թե Հայաստանի առաջնահերթությունը լինելու Շուշիի և Հադրութի դեօկուպացիան։
Մանրամասները՝ տեսանյութում։
