19.02.2026 | 16:48
Հայաստան կժամանի ԵՄ ներքին գործերի և միգրացիայի հարցերով հանձնակատարը
Աբսո՛ւրդ է՝ Արցախում Ադրբեջանի անձնագրեր չեն վերցնի․ դա բռնի հպատակեցում է, ո՛չ ինտեգրացիա․ Գեղամ Ստեփանյան. ՏԵՍԱՆՅՈՒԹ
Քաղաքականություն
28.04.2023 | 21:02
Ադրբեջանի ԱԳ նախարար Ջեյհուն Բայրամովը հայտարարել է, թե Երևանն անտեսել է Լաչինի ճանապարհի «անօրինական օգտագործումը դադարեցնելու»՝ Բաքվի կոչերը, որի արդյունքում Ադրբեջանը որոշել է անցակետ տեղադրել։
«Լաչինի ճանապարհը բաց է և կշարունակի բաց մնալ։ Անցակետը կապահովի դրա օգտագործման թափանցիկությունն ու անվտանգությունը»,- ասել է Բայրամովը։
Նա նաև ասել է, թե Բաքուն Երևանին առաջարկել է զուգահեռ հսկողություն իրականացնել սահմանին՝ Լաչինի ճանապարհի մուտքի մոտ, բայց հայկական կողմը մերժել է։ Այս ընթացքում՝ ռուս խաղաղապահների հրամանատարը Լեռնային Ղարաբաղում փոխվեց՝ Վոլկովին փոխարինեց Լենցովը։ Բանակցություններ են ընթանում ռուս խաղաղապահների և ադրբեջանցիների միջև։
Factor TV-ին տված հարցազրույցում Արցախի մարդու իրավունքների պաշտպան Գեղամ Ստեփանյանն ասում է, որ ԱԳ նախարարի հայտարարությամբ Ադրբեջանը խոստովանեց, որ ՀՀ-ին առաջարկել է խախտել նոյեմբերի 9-ի հայտարարությունը։ Երևանին առաջարկել՝ անցակետը զուգահեռ վերահսկել, ըստ Արցախի օմբուդսմենի, դրա ապացույցն է․
«Ադրբեջանն է միակ սպառնալիքը Լաչինի միջանցքի։ Էժանագին մանիպուլյացիա է, թե Բաքուն կապահովի անվտանգություն։ Ադրբեջանն ինչ անում է, մարսում է, հետևաբար՝ ամեն հաջորդ քայլը մեծ է լինում։ ՌԴ-ի, ԱՄՆ-ի, Ֆրանսիայի խոսքերն այլևս չեն բավարարում։ Արցախում որոշակիություն են ուզում իրենց ապագայի վերաբերյալ։ Ասել՝ դուք ճիշտ եք, բայց նաև ասել, թե ոչինչ անել չենք կարող, անբարոյականություն է։ ԱՄՆ-ն, ՌԴ-ն, Ֆրանսիան պետք է Ադրբեջանին հստակ ասեն՝ ԼՂ-ի կոնֆլիկտը փակված չէ, Արցախի ստատուսը, ինքնորշման իրավունքը պիտի քննարկվի։ Միաժամանակ, Արցախը պահանջում է ՌԴ խաղաղապահներից՝ Ադրբեջանի անցակետը պիտի վերացվի միջանցքից։ Ադրբեջանն անցակետով բռնի հպատակության է մղում Արցախին՝ պետական հանցագործություն է կատարում»,- ասաց Գեղամ Ստեփանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
