Անվտանգային նկատառումներից ելնելով կառավարությունը նպատակահարմար է գտել այդքանը ասել. Խաչատրյան․ ՏԵՍԱՆՅՈՒԹ

Կառավարության 2022 թվականի կարատողականի զեկույցում անդրադարձ չկա Արցախի հիմնախնդրին։ Եթե 2021-26 թթ․ ծրագրում Փաշինյանի կառավարությունը գրել էր, որ Հայաստանի Հանրապետությունը շարունակելու է լինել Արցախի ժողովրդի անվտանգության երաշխավորը և շարունակելու է աշխատել Արցախի ժողովրդի իրավունքների պաշտպանության ուղղությամբ, ապա այսօր խորհրդարանին ներկայացված փաստաթղթում «Ղարաբաղյան Հիմնախնդիր» ենթագլուխը չկար, արցախյան հիմնախնդիրը ներկայացված էր «Հայաստան-Ադրբեջան բանակցային գործընթաց» ենթագլխում։

«Քաղաքացիական պայմանագիր»խմբակցության պատգամավոր Արեմն Խաչատրայնն այսօր ԱԺ-ում լրագրողների հետ զրույցում անդրադառնալով այս դիտարկմանը և հարցին, թե արդյոք դա չի նշանակում, որ կառավարությունը տապալել է իր իսկ ծրագիրը, նշեց․ «Փաստաթղթում ինչ-որ բան ներառել-չներառելը չի նշանակում, որ ինչ-որ գործողությունների պակաս է նկատվելու կամ ինչ-որ գործողություններից զերծ է մնալու ՀՀ-ն՝ այն առումով, որ յուրաքանչյուր տարի միջոցներ է ձեռնարկել ԼՂ տնտեսական, սոցիալական զարգացման, նաև առկա խնդիրները լուծելու համար։

Եթե կառավարությունը գտել է, որ այս պահին պետք չէ այդ փաստաթղթում ամբողջությամբ և մանրամասն նկարագրել և ներառել այն բոլոր գործողությունները, որոնք նախատեսվում են, ուրեմն դա անվտանգային նկատառումներից ելնելով է արվել։ Ցավոք, երբեմն հրապարակային դիրքորոշումները և անվտանգությունը հակասում են իրար, ուստի անվտանգային նկատառումներից ելնելով՝ կառավարությունը նպատակահարմար է գտել այդքանն ասել հանրությանը»։

Մանրամասները՝ տեսանյութում։