04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Ադրբեջանցի զինվորին տարել են ԱԱԾ․Միրզոյանը հանդիպել է Լավրովի, ԱԽ քարտուղարը՝ Բոնոյի հետ․ Լուրեր
Քաղաքականություն
14.04.2023 | 17:42
- ՀՀ ՊՆ-ից հայտնել են, որ ապրիլի 13-ին, նախնական տվյալներով իրեն ամրակցված զենքից, հրազենային վիրավորում է ստացել ՊՆ N զորամասի զինծառայող Հ. Ս.-ն։ Զինծառայողի առողջական վիճակը գնահատվում է կայուն ծանր:
- ԱԽ քարտուղար Արմեն Գրիգորյանն ապրիլի 14-ին ընդունել է Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին և ներկայացրել է ադրբեջանական զինված ուժերի կողմից ապրիլի 11-ին Տեղ համայնքի մոտակայքում իրականացված սադրանքը։ Բոնոն շեշտել է կառուցողական քայլերի իրականացման և խաղաղության գործընթացին հավատարիմ մնալու անհրաժեշտությունը։
- Սամարղանդում անցկացվող ԱՊՀ ԱԳ նախարարների խորհրդի նիստի շրջանակներում տեղի է ունեցել Հայաստանի ու ՌԴ արտաքին գործերի նախարարներ Արարատ Միրզոյանի ու Սերգեյ Լավրովի հանդիպումը։ Մանրամասներ չեն հաղորդվել։
- Կապանում հայտնաբերված ադրբեջանցի երկրորդ զինծառայողը փոխանցվել է Ազգային անվտանգության ծառայությանը։ Այս մասին Factor.am-ին հայտնեցին Ոստիկանության լրատվական ծառայությունից։
Այս ժամի լուրերը՝ տեսանյութում։
