22.11.2024 | 18:09
«Արմավիր» ՔԿՀ-ի դատապարտյալի համար բերված աղցաններում հայտնաբերվել են թմրամիջոցներ․ հանձնուք բերած կինը ձերբակալվել է
Մեկ զինծառայողի վիճակը բավական ծանր է. նախարարը վիրավորների վիճակից մանրամասներ հայտնեց․ ՏԵՍԱՆՅՈՒԹ
12.04.2023 | 17:24
Սյունիքի մարզի Տեղ համայնքի ուղղությամբ ադրբեջանական սադրանքի հետեւանքով սկսված փոխհրաձգությունից վիրավորված 6 վիրավոր զինծառայողներից 4-ը տեղափոխվել են Երևան, մյուս երկուսը՝ Սիսիանում են, նրանց տեղափոխելու կարիք չկա։ ԱԺ-ում լրագրողների հետ զրույցում այս մասին հայտնեց առողջապահության նախարար Անահիտ Ավանեսյանը:
«Վիրավորներից երեքի վիճակը բավարար է, մյուս երեքինը՝ ծանր, միջին ծանրության և ծայրահեղ ծանր: Բոլորը գտնվում են բժիշկների հսկողության տակ։ Վիրավորները տեղափոխվել են գիշերը, իսկ գիշերը սանավիացիա չի կարող օգտագործվել, չենք էլ կարող սպասել առավոտյան։ Տեղափոխումներն իրականացվել են հնարավորինս կարճ ժամկետներում, և գիշերը մեր հիվանդները եղել են Երեւանում։ Այսօր նրանց վիճակը կայուն է եղել։ Արվում է ամեն ինչ, որ ապաքինումն արագ լինի։ Տարբեր տեսակի վնասվածքներ ունեն։ Իրականացվել են վիրահատական միջամտություններ։ Այս պահին անդամահատությունների մասին որեւէ բան չեմ կարող ասել»,- ասաց Ավանեսյանը
Թե որ շրջանում են վնասվածքները, գիտակցության եկե՞լ են, չեն եկել՝ նախարարը չմանրամասնեց։
Ավանեսյանի խոսքով՝ ծայրահեղ ծանր վիճակում գտնվող վիրավորը պայմանագրային զինծառայող է։
Մանրամասները՝ տեսանյութում։
