08.12.2025 | 12:45
ՌԴ Անգարսկի շրջանում արտակարգ դրություն է հայտարարվել ՋԷԿ-ում վթարի պատճառով
Փոխհրաձգություն Տեղ գյուղի մատույցներում․ հայկական կողմը կորուստներ ունի
Քաղաքականություն
11.04.2023 | 17:17
Ադրբեջանական ԶՈՒ-ն քիչ առաջ կրակ է բացել Տեղ գյուղում ինժեներական աշխատանքներ կատարող մեր ստորաբաժանումների ուղղությամբ։
«Հենց մեր հողերի մեջ են կրակել, բա տենց պիտի լինի, եկել են մեր ցորենի դաշտերը գրավել են, ուրիշ ինչ պիտի լիներ։ Ասել են՝ իջե՛ք, ու իջնելու պահին սկսել են կրակել։ Որտեղ դիրքավորվել են, էդտեղից են կրակել, մերոնք էլ պատասխան գործողությունների են դիմել»,- Factor․am-ի հետ զրույցում ասաց Տեղ համայնքի ավագանու անդամ Մասիս Զեյնալյանը։
Հայկական կողմը, ըստ Զեյնալյանի զոհեր ու վիրավորներ ունի․ «Մեկ զոհին ես եմ դրել շտապօգնության մեքենայի մեջ։ Այս պահին խմբավորված, կանգնած են»,- մանրամասնեց Զեյնալյանը։
Պաշտպանական գերատեսչությունը դեռ հաղորդագրություն չի տարածել, հեռախոսազանգերին մամուլի խոսնակը չի պատասխանում։
Արփի Հակոբյան
Հ․Գ․
Ավելի ուշ պաշտպանական գերատեսչությունը հաղորդագրություն է տարածել՝ հայտնելով, որ միջադեպը տեղի է ունեցել ժամը 16։00-ի սահմաններում։ Հաղորդագրությունում ասվում է, որ ՊՆ-ն հանդես կգա լրացուցիչ հաղորդագրությամբ։
