23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մանրամասներ՝ Տեղում ադրբեջանցիների դիրքավորման մասին․ Փաշինյանն ընդունեց Արուն Վենկատարամանին․ Լուրեր
Քաղաքականություն
07.04.2023 | 18:15
- Հայաստանի ՊՆ-ից հերքել են Ադրբեջանի պաշտպանության նախարարության տարածած հաղորդագրությունը, թե իբր ՀՀ ԶՈՒ ստորաբաժանումներն ապրիլի 7-ին` ժամը 13:20-13:45-ի սահմաններում, կրակ են բացել հայ-ադրբեջանական սահմանագոտու հարավարևելյան հատվածում տեղակայված ադրբեջանական դիրքերի ուղղությամբ:
- Ապրիլի 5-7-ը աշխատանքային այցով Հայաստանում գտնվող ԱՄՆ բրիգադային գեներալ Պատրիկ Էլիսը հանդիպել է ՀՀ պաշտպանության նախարարության պաշտոնատար անձանց հետ՝ քննարկելու հայ-ամերիկյան պաշտպանական համագործակցության ամրապնդմանն ուղղված ջանքերը։ Գեներալ Էլիսը նաև այցելեց 12-րդ խաղաղապահ բրիգադի «Զառ» ուսումնական կենտրոն և ՀՀ ռազմական ակադեմիա։
- Սյունիքի Տեղ գյուղի ավագանու անդամ Մասիս Զեյնալյանն այսօր լրագրողներին ասել է, որ կոնկրետ իր սեփական հողի վրա, որ կադաստրով սեփականության վկայական է տրամադրված, ադրբեջանցիները հիմա ամրաշինական աշխատանքներ են իրականացնում՝ իրենց դրոշը խփած։ Ըստ գյուղի բնակչի՝ որոշ տեղեր ադրբեջանցիները հետ են գնացել, արոտավայրերը հայկական հսկողության տակ են։ Զեյնալյանն ասել է, որ ոստիկանական հենակետից գյուղացիներին արգելում են մոտենալ իրենց հողերին։
- Վարչապետ Նիկոլ Փաշինյանն ու ԱԽ քարտուղար Արմեն Գրիգորյանն այսօր առանձին ընդունել են ԱՄՆ առևտրի դեպարտամենտի գլոբալ շուկաների հարցերով փոխքարտուղար Արուն Վենկատարամանին։ Անդրադարձ է կատարվել առևտրի, ներդրումների, էներգետիկայի, բարձր տեխնոլոգիաների, առևտրաշրջանառության ոլորտներում համագործակցության խորացման հնարավորություններին, գործարար միջավայրի բարելավմանը, համատեղ ծրագրերի իրականացմանը:
Այս ժամի լուրերը՝ տեսանյութում։
