«Մեր համայնքի ղեկավարը ոչ մի հարցով չի բանակցում, ավագանու արտահերթ նիստ չի հրավիրում կամ մարդ չի հրավիրում, որ իմանանք մեր սպասելիքները»,- այս մասին լրագրողների հետ զրույցում նշեց Տեղ գյուղի ավագանու անդամ Մասիս Զեյնալյանը՝ ԶԼՄ–ների միջոցով կոչ անելով ՀՀ ԱԺ և ՀՀ կառավարության անդամներին այցելել Տեղ գյուղ․ թող գան, նստենք, խոսենք, հասկանանք ինչ ենք անելու։
Նրա խոսքով՝ ադրբեջանցիները տեղակայվել են Տեղ գյուղում՝ բնակիչների սեփական հողում։
«Ես ուզում եմ մոտենալ իմ հողին, արգելված է, ոստիկանական հենակետից գյուղացիներին արգելում են․ սեփական հողում դարձել ենք կալանավոր։
Կոնկրետ իմ սեփական հողի վրա, որ կադաստրով սեփականության վկայական է տրամադրված ինձ, թուրքը նստած ամրաշինական աշխատանքներ է իրականացնում՝ իրենց դրոշը խփած։
Որոշ տեղեր ադրբեջանցիները հետ են գնացել, արոտավայրերը մեր հսկողության տակ են։
Մեր համայնքը սահմանապահ համայնք է, այս հարցերը շատ ցավոտ են մեզ համար։ Գյուղի բնակիչների մեծ մասը Արցախում էր աշխատում, պատերազմի պատճառով աշխատանքը կորցրեց, ընկել են վարկերի տակ»,- ասաց Տեղ գյուղի բնակիչը։
Մանրամասները՝ տեսանյութում։։
