05.08.2026 | 09:30
Հայտնի է Մոհամեդ Սալահի նոր ակումբը
Ադրբեջանցիներն արգելել են 27 արցախցիների մուտքն Արցախ․ Թրամփին 34 կետով մեղադրանք է առաջադրվել․ Լուրեր
Քաղաքականություն
05.04.2023 | 12:30
- Գիշերը ադրբեջանցիները Ստեփանակերտ-Գորիս ավտոճանապարհի արգելափակված հատվածում արգելել են արցախցիների մուտքը Արցախ։ Այս մասին հայտնել է Արցախի պետնախարար Գուրգեն Ներսիսյանը։ Ռուս խաղաղապահները Գորիսից փորձել են Արցախ տեղափոխել Արցախի 27 քաղաքացիների (ներառյալ՝ երեխաներ, կանայք ու տարեցներ), սակայն Գորիս-Ստեփանակերտ մայրուղու Շուշիի մոտակա հատվածում՝ ադրբեջանցիները արգելել են տրանսպորտային միջոցների երթևեկությունը: Տեղում ադրբեջանցիների միջամտության պատճառով վատացել է քաղաքացիներից չորսի ինքնազգացողությունը, ռուս խաղաղապահները ապահովել են շտապ օգնության մեքենայի ժամանումը և նշված չորս քաղաքացիների տեղափոխումը Ստեփանակերտի հիվանդանոց: Իսկ մնացածներին ռուս խաղաղապահները վերադարձրել են Գորիս։
- ՀՀ արդարադատության նախարարությունից հայտնել են, որ պետական գրանցում ստացած և չլուծարված 117 կուսակցություններից միայն 7-ն են ներկայացրել իրական շահառուների վերաբերյալ հայտարարագիր։ Նախարարությունը իրավաբանական անձանց զգուշացրել է, որ նրանք կարող են ենթարկվել վարչական պատասխանատվության։
- Նյու Յորքի դատարանում պաշտոնապես մեղադրանք է առաջադրվել ԱՄՆ նախկին նախագահ Դոնալդ Թրամփին։ ԱՄՆ նախկին նախագահն իրեն մեղավոր չի ճանաչել 34 մեղադրանքներից ոչ մեկով: Թրամփին առաջադրված մեղադրանքներով մեղավոր ճանաչվելու դեպքում ազատազրկման առավելագույն ժամկետը կարող է կազմել 136 տարի: Թրամփը Մանհեթենի դատարանում մեղադրական եզրակացության հրապարակումից հետո դահլիճը լքել է առանց որևէ հայտարարություն անելու։
Այս ժամի լուրերը՝ տեսանյութում։
