20.02.2026 | 19:24
ԱՄՆ-ը Մերձավոր Արևելքում իր ամենամեծ ուժերն է կուտակում 2003 թվականից ի վեր. Bloomberg
Հրաչյա Սարգսյանը՝ Փաշինյանի խորհրդական, Տեր-Պետրոսյան-Ալեն Սիմոնյան հեռակա բանավեճ․ Լուրեր
04.04.2023 | 20:07
- «Քաղաքացիական պայմանագիր» խմբակցությունը պարտավոր է նախաձեռնել Ալեն Սիմոնյանի պաշտոնանկության հարցը։ Այս մասին այսօր հայտարարել է առաջին նախագահ Լևոն Տեր-Պետրոսյանը՝ մեկնաբանելով Սիմոնյանի կողմից քաղաքացու վրա թքելու պատմությունը։ Տեր-Պետրոսյանը նշել է, որ նրա արարքը մեր պետականության վարկին հասցված ամենամեծ վնասն է, ինչը հնարավոր է վերացնել միայն վերջինիս պաշտոնազրկման գնով։ Ալեն Սիմոնյանն էլ Տեր-Պետրոսյանին պատասխանել է փոխադարձ մեղադրանքներով և ակնարկներով։ Նա նշել է, թե չէր սպասում, որ առաջին նախագահը կպահանջի իր հրաժարականը։
- ՔՊ պատգամավոր Անդրանիկ Քոչարյանը այսօր մեկնաբանել է վարչապետի կնոջ՝ Աննա Հակոբյանի հայտարարությունը, թե պատերազմի ժամանակ 11 հազար դասալիք է եղել բանակում։ Քոչարյանը պնդել է, թե այդ թիվը մի քիչ շատ է։ Հիշեցնենք, որ նման հայտարարություն արել էր նաև Ադրբեջանի ղեկավար Իլհամ Ալիևը՝ պնդելով, թե Հայաստանի բանակում 10-11 հազար դասալիք է եղել։
- Վարչապետ Նիկոլ Փաշինյանի որոշմամբ Հրաչյա Սարգսյանը նշանակվել է վարչապետի խորհրդական։ Երկու շաբաթ առաջ Սարգսյանը հրաժարական էր ներկայացրել Երևանի քաղաքապետի պաշտոնից։
Այս ժամի լուրերը՝ տեսանյութում։
