04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Սիմոնյանը չմեկնաբանեց Աշոտ Փաշինյանի ասածը․ «Իմ քայլը» Երևանի քաղաքապետի թեկնածու չի առաջադրի․ Լուրեր
Քաղաքականություն
04.04.2023 | 16:00
- Երևանի ավագանու Իմ քայլը խմբակցությունը Երևանի քաղաքապետի թեկնածու չի առաջադրի ավագանու առաջիկա նիստին։ Այս մասին հայտարարել է խմբակցության ղեկավարը։ Նշվել է, որ Հրաչյա Սարգսյանի հրաժարականից հետո ավագանին նոր թեկնածու պետք է առաջադրի, սակայն Իմ քայլը թեկնածու չի առաջադրի, քանի որ քաղաքի ավագանու ընտրություններին մնացել է մի քանի ամիս։ Ըստ էության, սրանով ազդարարվում է, որ Երևանի քաղաքապետի ընտրության համար ավագանու արտահերթ ընտրություններ կանցկացվեն։
- ԱԺ նախագահ Ալեն Սիմոնյանը հրաժարվել է մեկնաբանել Աշոտ Փաշինյանի հերքումը։ Մինչ այդ Սիմոնյանը հայտարարել էր, թե հարձակում է եղել Նիկոլ Փաշինյանի որդու՝ Աշոտ Փաշինյանի վրա, ինչը Աշոտ Փաշինյանը այսօր հերքել է։ Խորհրդարանում FactorTV-ի լրագրողը Սիմոնյանին ասել է, որ վերջինս կեղծ տեղեկություն է տարածել, ինչին Սիմոնյանն արձագանքել է, թե չի մեկնաբանելու դա։
- 2020 թվականի պատերազմի ժամանակ Հայաստանի ԱԳ նախարարի պաշտոնը զբաղեցրած Զոհրապ Մնացականյանն այսօր հրավիրվել և մասնակցել է պատերազմի հանգամանքները քննող հանձնաժողովի նիստին։ Մնացականյանը ՀՀ ԱԳ նախարար էր նշանակվել 2018 թվականի մայիսի 12-ին, պաշտոնից ազատվել՝ 2020 թվականի նոյեմբերի 16-ին։
Այս ժամի լուրերը՝ տեսանյութում։
