07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Աշոտ Փաշինյանը հերքեց իր ծեծվելու լուրը, Ալեն Սիմոնյանի հետ միջադեպից հետո վարույթ չի սկսվել․ Լուրեր
Քաղաքականություն
04.04.2023 | 13:31
- ԱԺ նախագահ Ալեն Սիմոնյանի և ՀՅԴ-ական Կարեն Մկրտչյանի մասնակցությամբ Կասկադում տեղի ունեցած միջադեպով ՀՀ գլխավոր դատախազությունում վարույթ չկա նախաձեռնված։ Այս մասին Factor.TV-ի հարցին ի պատասխան տեղեկացրեցին Գլխավոր դատախազի աշխատակազմից։ Հիշեցնենք՝ Կարեն Մկրտչյանը Factor.TV-ի հետ զրույցում ասել էր, որ կիրակի օրը Կասկադում տեսնելով Ալեն Սիմոնյանին, վանկարկել է՝ «դավաճան», ինչին ի պատասխան, ըստ Մկրտչյանի, Սիմոնյանը հանձնարարել է թիկնապահներին բռնել նրան, իսկ ինքը՝ Ալեն Սիմոնյանը, թքել է Մկրտչյանի վրա։ Ո՛չ ԱԺ նախագահը, ո՛չ էլ նրա մամուլի խոսնակը չեն հերքում թքելու մասին քաղաքացու մեղադրանքները։
- ՀՀ վարչապետ Նիկոլ Փաշինյանի որդին՝ Աշոտ Փաշինյանը հայտարարություն է տարածել, որում հերքել է իրեն ծեծի ենթարկելու մասին տեղեկությունները։ Կրտսեր Փաշինյանը նշել է, որ իր հանդեպ որևէ քաղաքական կամ այլ բնույթի հարձակում տեղի չի ունեցել, և ստիպված է ինքնուրույն հերքել իր մասին պտտվող ստահոդ տեղեկությունը: Հիշեցնենք, որ ՀՀ Աժ նախագահ Ալեն Սիմոնյանն էր առաջինը հայտարարել, թե հարձակման է ենթարկվել Աշոտ Փաշինյանը։
- Ազգային ժողովում այսօր վեճ է եղել իշխանական և ընդդիմադիր պատգամավորների միջև։ Մարդու իրավունքների հանձնաժողովում պաշտպանի թեկնածուների հարցի քննարկման ժամանակ ՔՊ-ից Արթուր Հովհաննիսյանը և Պատիվ ունեմից դուրս եկած Թագուհի Թովմասյանը միմյանց դավաճան են անվանել։ ՔՊ պատգամավորները նաև աղմկել են ընդդիմության կողմից ներկայացված թեկնածու Էդգար Ղազարյանի ելույթի ժամանակ, ինչի հետևանքով ելույթն ընդհատվել է։
Այս ժամի լուրերը՝ տեսանյութում։
