23.11.2024 | 00:16
Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ
Բաքուն սպառնացել է «միջոցներ ձեռնարկել»․ կասեցվել է «Աշոցքի» Լոռի պանրի արտադրությունը․ Լուրեր
30.03.2023 | 20:05
- Բաքուն այսօր սպառնացել է նոր մարտական գործողություններով։ Մասնավորապես, Ադրբեջանի ԱԳՆ-ն հայտարարել է, թե կարող են նորից, այսպես ասած, միջոցներ ձեռնարկել՝ իբր Հայաստանից Արցախ ռազմամթերքի տեղափոխումը կասեցնելու համար։ Նախորդ նման գործողության ժամանակ Ադրբեջանի զինուժը տեսողական հսկողության տակ է վերցրել Արցախը Հայաստանին կապող գրունտային ճանապարհը։ Հայաստանի վարչապետն այսօր կառավարության նիստում պնդել է, որ Բաքուն ռազմամթերքի տեղափոխման կեղծ թեզեր է շրջանառում՝ հնարավոր ռազմական էսկալացիան արդարացնելու համար։
- Գեղարքունիքի Ազատ գյուղում զինվորական կացարանի հրդեհի պատճառով զոհված 15 զինծառայողների հարազատները այսօր հանդիպել են զինվորական դատախազ Գրիգոր Էլիզբարյանի հետ։ Հանդիպումը փակ է եղել լրագրողների համար։ Զոհվածներից մեկի հարազատը հանդիպումից առաջ հիշեցրել է, որ պաշտպանության նախարար Սուրեն Պապիկյանն այդպես էլ չի հանդիպել իրենց հետ, քանի որ իրենց չի կարող պատասխան տալ։
- ՍԱՏՄ տեսուչները ստուգում են իրականացրել Աշոցքի պանրի գործարանում և հայտնաբերել են, որ Պանիր Լոռի արտադրատեսակի նմուշն աղիքային ցուպիկի խմբի մանրէների ցուցանիշով չի համապատասխանել Մաքսային Միության տեխնիկական կանոնակարգի պահանջներին։ Տեսչական մարմնի ղեկավարի որոշմամբ` գործարանի Լոռի պանրի արտադրական գործունեությունը կասեցվել է մինչև հայտնաբերված խախտումները վերացնելը:
Այս ժամի լուրերը՝ տեսանյութում։
