20.02.2026 | 09:33
Ստեփանծմինդա-Լարս ավտոճանապարհը փակ է
Փաշինյանը՝ Սյունիքում զորքերի փոփոխության մասին․ Ադրբեջանը թիրախավորել է Արցախի գյուղացիների․ Լուրեր
30.03.2023 | 16:10
- Ադրբեջանի զինված ուժերն այսօր երկու անգամ տարբեր տեղամասերում կրակել են գյուղատնտեսական աշխատանքներ կատարող արցախցիների վրա։ Առավոտյան 8:30-ի հատվածում նրանք կրակել են Մարտունու շրջանի Բերդաշեն համայնքի բնակիչների վրա, որոնք աշխատել են խաղողի այգում։ Ժամը 10:40-ի հատվածում էլ ադրբեջանցիները կրակել են Թաղավարդ գյուղի բնակիչների վրա, որոնք աշխատելիս են եղել ցորենի դաշտում։ Երկու դեպքում էլ գյուղատնտեսական աշխատանքները դադարեցվել են, հրադադարի խախտումների մասին տեղեկացվել են ռուս խաղաղապահները։
- Վարչապետ Նիկոլ Փաշինյանը այսօր հայտնել է, որ Սյունիքի Կոռնիձոր գյուղի հատվածում, որտեղից սկսվում է Լաչինի միջանցքը, Հայաստանի ՊՆ ստորաբաժանումները դուրս են բերվելու և նրանց փոխարեն տեղակայվելու են սահմանապահ զորքերի ստորաբաժանումները։ Ըստ Փաշինյանի՝ իրենք առաջարկել են, որ Ադրբեջանը նույնպես այդ մասից դուրս բերի ԶՈւ ստորաբաժանումները՝ փոխարինելով սահմանապահներով։ Փաշինյանը վստահեցրել է, որ դիրքերի փոփոխություն տեղի չի ունեցել։
- Վաղը ժամը 16:00-ից հետո ձյուն կտեղա ՀՀ գրեթե ողջ տարածքում։ Այս մասին այսօր հայտարարել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։ Նշվել է սպասվող գարնանային վարարումների, ինչպես նաև օդի ջերմաստիճանի կտրուկ անկման, ձյան տեսքով տեղումների և ցրտահարությունների ռիսկերի մասին:
Այս ժամի լուրերը՝ տեսանյութում։
