15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Իրանը զգալի ռազմական տեխնիկա է տեղափոխում Ադրբեջանի հետ սահման
Քաղաքականություն
27.03.2023 | 13:25
Իրանը սկսել է իր առաջատար սպառազինությունը տեղակայել Ադրբեջանի հետ սահմանին։ BNN-ը գրում է, որ սա տարածաշրջանում շարունակվող լարվածության նշան է և ցույց է տալիս Իրանի իշխանությունների հանձնառությունը՝ ապահովելու իրենց ներկայությունն ու պաշտպանելու իրենց ազգային շահը։
Սահմանին ժամանակակից սարքավորումների տեղակայումը Թեհրանի անմիջական պատասխանն է տարածաշրջանում կայունության վերաբերյալ աճող անհանգստությանը և ռազմական գործողությունների մեծացող հավանականության ֆոնին։ Լրատվականը նշում է, որ անցած հոկտեմբերից Իրանի և Ադրբեջանի միջև հարաբերությունների լարվածությունը գնալով մոտենում է ռազմական բախման։
Նշվում է, որ սպառազինության տեղակայումը պաշտոնապես ներկայացվում է որպես զորավարժությունների մի մաս և Բաքվին ուղղված ուղերձ՝ տարածաշրջանում նոր ռազմական գործողություններ կանխելու համար։
Տաթև Ֆռանգյան
