22.11.2024 | 23:30
Մեծ Բրիտանիան պատերազմո՞ւմ է ՌԴ հետ․ Քիր Սթարմերի արձագանքը
Բլինքենն ասել է՝ Լաչինի հարցով ճնշում է Բաքվին․ Մարուքյանը պատասխանել է Լավրովին․ Լուրեր
Քաղաքականություն
24.03.2023 | 14:30
- ԱՄՆ պետքարտուղար Էնթոնի Բլինքենը հայտարարել է, որ ճնշում է գործադրում Ադրբեջանի վրա, այդ թվում՝ այս շաբաթ, որպեսզի վերաբացվի Լաչինի միջանցքը։ Բլինքենի խոսքով՝ իրենք աշխատում են այս հարցի ուղղությամբ։ Նա նաև ասել է, թե այժմ կա բարենպաստ պահ, որը խորապես բխում է Հայաստանի ժողովրդի, ինչպես նաև Ադրբեջանի շահերից։
- Վարչապետի հատուկ հանձնարարություններով դեսպան Էդմոն Մարուքյանը արձագանքել է ՌԴ ԱԳ նախարար Սերգեյ Լավրովին և հայտարարել է, որ Լեռնային Ղարաբաղն իր ամբողջ իրավական ու քաղաքական պատմությամբ համեմատելի չէ Դոնեցկի, Լուգանսկի և Կոսովոյի հետ, քանի որ Արցախը մշտապես եղել է ինքնավար, իսկ վերջին 30 տարիներին եղել է իր անկախությունը հռչակած պետություն։
- Արցախի ԱԳՆ-ն մեկնաբանել է ադրբեջանական ԶՈՒ կողմից Արցախի խաղաղ բնակչության թիրախավորման դեպքը և նշել է, որ վերջին շրջանում հաճախակի դարձած նմանօրինակ հարձակումներն Ադրբեջանի երկարամյա և հետևողական քաղաքականության մաս են կազմում և ուղղված են Արցախում կյանքի անտանելի պայմանների ստեղծմանը։
Այս ժամի լուրերը՝ տեսանյութում։
