01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Միրզոյանի պնդմամբ՝ չեն բանակցում Լաչինում անցակետի շուրջ․Ավինյանը՝ Երևանի նոր ճանապարհի մասին․Լուրեր
Քաղաքականություն
22.03.2023 | 18:30
- Ազգային ժողովում հարցուպատասխանի ժամանակ ԱԳ նախարար Արարատ Միրզոյանը վստահեցրել է, որ իրենք չեն բանակցում Լաչինի միջանցքում ադրբեջանական անցակետ դնելու շուրջ։ Խոսելով հայ-ադրբեջանական սահմանին եվրոպացի դիտորդների տեղակայման մասին՝ Միրզոյանն ասել է, որ ԵՄ առաքելությունը հայկական կողմի համար միայն ու միայն մի գործիք է, որը պետք է հավելյալ նպաստ բերի, հավելյալ կերպով ամրապնդի խաղաղության գործընթացը, տարածաշրջանում կայունությունը, ինչպես նաև օբյեկտիվ իրականության գնահատումը և փոխանցումը ԵՄ գործընկերներին
- Երևանի փոխքաղաքապետ Տիգրան Ավինյանը հայտարարել է, որ Երևանում նոր սպորտային համալիր է կառուցվելու հեռուստաաշտարակի հարևանությամբ, որը նմանօրինակ առաջին կառույցն է լինելու Նորք-Մարաշում: Նա նշել է, որ մի մասշտաբային ճանապարհային նախագիծ էլ Նոր Նորքից սկիզբ առնող և Նորք Մարաշով անցնող ճանապարհն է, որը միանալու է Մյասնիկյան պողոտային ուղեանցով (էստակադա)՝ էապես թեթևացնելով մի քանի ծանրաբեռնված ուղղություններով երթևեկությունը:
- Ներքին գործերի նախարարությունը հերթական խոշոր պայմանագիրն է կնքել Ռոբերտ Քոչարյանի ընտանիքին պատկանող «Տոյոտա Երևան» ՍՊԸ-ի հետ։ Նախորդ ամիս ավտոմեքենաների պահպանման ծառայությունների մատուցման նպատակով բյուջեից մեկ անձից գնման ընթացակարգով 50 միլիոն դրամ է փոխանցվել ընկերությանը, որով ՍՊԸ-ն պարտավորվել է մինչև տարեվերջ ավտոմեքենաների նորոգման, պահեստամասերի փոխման և այլ աշխատանքներ կատարել։
Այս ժամի լուրերը՝ տեսանյութում։
