29.04.2024 | 16:39
Հյուսիսային Կորեան ականապատել է Հարավային Կորեա տանող ճանապարհը. Yonhap
Քաղաքական ճնշումները դատարանների վրա այլևս անցյալ են. Նաիրա Զոհրաբյան. ՏԵՍԱՆՅՈՒԹ
Հասարակություն
20.06.2018 | 15:41
Երևանի ընդհանուր իրավասության դատարանի Շենգավիթի նստավայր ներկայացան ԱԺ «Ծառուկյան» խմբակցության պատգամավորներ Նաիրա Զոհրաբյանն ու Սերգեյ Բագրատյանը։
Նրանք անձնական երաշխավորություն էին ներկայացրել «Սասնա ծռեր» խմբի անդամ Գագիկ Եղիազարյանի խափանման միջոց կալանավորումը փոխելու համար։
Զոհրաբյանը լրագրողների հետ զրույցում ասաց, որ շարունակելու են անձնական երաշխավորություն ներկայացնել նաև մյուս ամբաստանյալների համար, նա համոզմունք հայտնեց, որ «Սասնա ծռերը» դուրս գալով չեն խոչընդոտի գործի քննությանը։
Նրա խոսով` կալանքը՝ որպես խափանման միջոց, մեր երկրում անհարկի շատ է կիրառվում. «Մենք համոզմունք ունենք, որ փոխելով խափանման միջոցը իրենցից որևէ մեկը չի խոչընդոտելու գործի արդար քննությանը, և ես կարծում եմ, որ մեր երկրում անհարկի, անտեղի շատ է կիրառվում կալանքը որպես խափանման միջոց, և բացի դրանից, մենք բոլորս էլ հասկանում ենք, որ «Սասնա ծռերի» գործում շատ մեծ է քաղաքական կոմպոնենտը: Ես, քավ լիցի, չեմ ցանկանում իրավապահ համակարգի վրա որևէ ճնշում դիտարկվի մեր այստեղ գտնվելը»:
Զոհրաբյանը նաև հույս հայտնեց, որ քաղաքական ճնշումները դատարանների վրա այլևս անցյալում են:
Մանրասները` տեսանյությում:
