25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Ուկրաինայում դատապարտել են Խարկովը ռմբակոծած ռուս օդաչուին
Քաղաքականություն
03.03.2023 | 22:13
Ուկրաինայի դատարանը ռուս օդաչուին 12 տարվա ազատազրկման է դատապարտել քաղաքացիական ենթակառուցվածքները, այդ թվում՝ Խարկովի հեռուստաաշտարակը ռմբակոծելու համար, գրում է DW-ի ռուսական ծառայությունը։
Ռուս օդաչուն մեղավոր է ճանաչվել պատերազմի օրենքներն ու սովորույթները խախտելու մեջ, հայտնել են Ուկրաինայի Գլխավոր դատախազությունը և Անվտանգության ծառայությունը։
Ուկրաինայի դատախազության հաղորդմամբ՝ հեռուստառադիոընկերությունը քաղաքացիական օբյեկտ է, որը չի օգտագործվում ռազմական նպատակներով, դրա շուրջ զենք և զինտեխնիկա չի տեղադրվել, իսկ Ուկրաինայի Զինված ուժերի ստորաբաժանումները չեն տեղակայվել այնտեղ։
Դատարանը բավարարել է նաև երեք տուժած ընկերությունների պահանջները՝ ավելի քան 1,1 մլն գրիվնայի չափով։ Դատապարտյալի անունը չի հրապարակվում, միայն նշվում է, որ նա Արևմտյան ռազմական շրջանի ռազմաօդային և հակաօդային պաշտպանության 6-րդ բանակի զորամասի հրամանատարի տեղակալն է։
Ըստ մեղադրող կողմի՝ անցյալ տարվա մարտի 6-ին օդաչուն մասնակցել է Խարկովի վրա հարձակմանը և ռադիոհեռուստատեսային կայանի վրա նետել ութ FAB-500 ավիառումբ՝ 2,5 տոննա քաշով։
Էմմա Չոբանյան
