14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մոլդովայի իշխանությունները փակել են Քիշնևի կենտրոնը՝ ռուսամետ ակցիաների մտավախությունից ելնելով
Քաղաքականություն
28.02.2023 | 22:06
Մոլդովայի ոստիկանությունը հայտարարել է մինչև մարտի 2-ի երեկոյան Քիշնևի կենտրոնը երթևեկության համար փակելու և զանգվածային ակցիաների արգելքի մասին, գրում է BBC-ի ռուսական ծառայությունը։
Երեքշաբթի կեսօրին Մոլդովայի մայրաքաղաքում նախատեսվում էր ընդդիմության զանգվածային ցույց, որը կազմակերպել էր ռուսամետ «Շոր» կուսակցությունը։ Կազմակերպությունը վերջերս բուռն բողոքի ակցիաներ է իրականացնում արևմտյան ուղղվածություն ունեցող Մոլդովայի կառավարության դեմ:
Այսօրվա հանրահավաքի մասնակիցները մտադիր էին կառավարությունից երաշխիքներ պահանջել, որ Մոլդովան չի ներքաշվի ռուս-ուկրաինական պատերազմի մեջ։
Փետրվարի կեսերին Մոլդովայի նախագահ Մայա Սանդուն Ռուսաստանին մեղադրել էր պետության ներքին գործերին միջամտելու փորձի համար։ Դրանից որոշ ժամանակ առաջ Ուկրաինայի նախագահ Վլադիմիր Զելենսկին հայտարարել էր, որ Կիևը գաղտնալսել է Մոլդովան ապակայունացնելու՝ ռուսական հատուկ ծառայությունների պլանները։
Երեքշաբթի առավոտյան ժամը 8-ին Քիշնևի կենտրոն և հարակից փողոցներ երթևեկությունն ու ճանապարհորդությունը սահմանափակվել է և, ըստ տեղական իշխանությունների, կվերականգնվի մարտի 2-ին՝ տեղական ժամանակով 18:00-ից հետո։
Արգելքի պաշտոնական պատճառն անվտանգության միջոցառումներն են՝ կապված պաշտոնական պատվիրակության այցի հետ։
Տաթև Ֆռանգյան
