05.11.2024 | 17:48
Ըստ Լավրովի՝ Կովկասում հապճեպ խաղաղությունը ոչ մի լավ բանի չի հանգեցնի
Իսրայելը 4 ամսվա ընթացքում Ուկրաինային նախազգուշացման համակարգեր կտրամադրի
Քաղաքականություն
27.02.2023 | 21:56
Իսրայելը չորս ամսվա ընթացքում կօգնի Ուկրաինային՝ խաղաղ բնակչության համար ռուսական հրթիռների մոտենալու մասին նախազգուշացման համակարգ տեղադրել։ Այս մասին The Times of Israel-ին տված հարցազրույցում ասել է Իսրայելում Ուկրաինայի դեսպան Եվգեն Կորնիյչուկը։
Նա հավելել է, որ նախազգուշացման համակարգի տեղադրման ժամկետներն այնքան էլ ճիշտ չեն ընտրված, քանի որ Ուկրաինան արդեն պատերազմական վիճակում է։
«Արդեն վեց ամիս է՝ մենք հրապարակայնորեն խոսում ենք այս մասին, դա այն չէ, ինչի մասին մենք թաքուն ենք խոսում։ Մեզ խոստացել են, որ կստանանք, բայց դեռ չենք ստացել»,- ասել է դեսպանը։
Ըստ Կորնիյչունի՝ համակարգի նախնական տեղակայումը կլինի փորձնական և լավագույն դեպքում կընդգրկի մի ամբողջ քաղաք, ինչպիսին, օրինակ, Կիևն է։ Նա նաև հայտարարել է, որ Իսրայելն Ուկրաինային կտրամադրի 200 միլիոն դոլարի վարկային երաշխիքներ բժշկական և այլ քաղաքացիական հաստատությունների կառուցման համար։
Տաթև Ֆռանգյան
