07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Եղիշե Կիրակոսյանը ներկա կգտնվի Արդարադատության միջազգային դատարանի որոշման հրապարակմանը
Քաղաքականություն
20.02.2023 | 22:29
Միջազգային իրավական հարցերով ներկայացուցիչ Եղիշե Կիրակոսյանը փետրվարի 21-23-ը ներառյալ կգործուղվի Նիդեռլանդների Թագավորություն (Հաագա), որտեղ կմասնակցի ՄԱԿ-ի Արդարադատության միջազգային դատարանում քննվող ժամանակավոր միջոց կիրառելու պահանջի մասին որոշման հրապարակմանը։ Այս մասին նշված է ՀՀ վարչապետ Նիկոլ Փաշինյանի համապատասխան որոշման մեջ, որը հրապարակվել է ՀՀ էլեկտրոնային կառավարման կայքում։
«Միջազգային իրավական հարցերով ներկայացուցիչ Եղիշե Կիրակոսյանին 2023 թվականի փետրվարի 21-23-ը ներառյալ գործուղել Նիդերլանդների Թագավորություն (Հաագա)՝ ՄԱԿ-ի Արդարադատության միջազգային դատարանում քննվող ժամանակավոր միջոց կիրառելու պահանջի մասին որոշման հրապարակմանը մասնակցելու նպատակով»,- ասված է որոշման մեջ:
