31.05.2026 | 11:40
Honda մակնիշի ավտոմեքենան բախվել է էլեկտրական սյանը և բռնկվել
ՌԴ-ն ահաբեկում է ՀՀ-ին․ ԵՄ դիտորդների գալով՝ Ադրբեջանի հետ առևտուր չի կարողանա անել մեր հաշվին․ Արմեն Մարտիրոսյան. ՏԵՍԱՆՅՈՒԹ
Քաղաքականություն
14.02.2023 | 21:17
Մոտակա շաբաթներին, հավանական է, ՀՀ-ում կտեղակայվեն ԵՄ-ի դիտորդներ, որոնց շարքում նաև 8 ֆրանսիացի ժանդարմներ կլինեն։ Եվ եթե Բաքուն վերջին օրերին քչացրել է ագրեսիվ հռետորաբանությունն Արևմուտքի հասցեին, ապա ՌԴ-ն բացահայտ է ընդդիմանում ԵՄ-ի դիտորդներին, թե դրանք կսրեն իրավիճակը, աշխարհաքաղաքական բախում կլինի։ Պետդումայի խոսնակ Վոլոդինն էլ Բաքվում սպառնացել է հայկական կողմին, թե ԵԽԽՎ-ին, Եվրախորհրդարանին ուղղված հայտարարություն անողները կարող են երկիր կորցնել։
Factor TV-ին տված հարցազրույցում «Ժառանգություն» կուսակցության վարչության նախկին նախագահ Արմեն Մարտիրոսյանին հարց ուղղեցինք, թե հեռավոր Կանադայից ինչպե՞ս են իրեն երևում Հայաստանի ունեցած անվտանգային, արտաքին քաղաքական խնդիրները։
«Միանշանակ՝ դրական եմ գնահատում ԵՄ-ի այդ քայլը, և անկախ նրանից, որ Նիկոլ Փաշինյանն ԱԺ-ում սխալ արտահայտություն արեց, որը ռուսական կողմին ռևերանս է, թե ԵՄ դիտորդները գալիս են, քանի որ Ադրբեջանը Եվրոպայում ներկայացնում է, որ ռուսների հետ ՀՀ-ն պատրաստվում է հարձակման իր դեմ։ Ինչի՞ մասին է խոսքը, երբ Ադրբեջանի թիվ մեկ գործընկերը Թուրքիայից հետո ՌԴ-ն է։ Վոլոդինի ասածից տեղյակ եմ՝ քո պաշտոնական դաշնակիցը քեզ հետ թշնամական հարաբերություն ունեցող պետության ներսում քո անկախության դեմ արտահայտություններ է անում։ Դա անընդունելի է»,- ասաց Արմեն Մարտիրոսյանը։
Նա կարծում է, որ Վոլոդինի խոսքը Բաքվում իրականում ահաբեկում է ՌԴ-ի կողմից ՀՀ-ին։ Ըստ Մարտիրոսյանի՝ ԵՄ դիտորդների գալով՝ ՌԴ-ն չի կարողանա ՀՀ-ի հաշվին առևտուր անել Ադրբեջանի հետ։ Բացի այդ՝ ՀՀ-ն իր անվտանգային ապահովման հարությունն ընտրում է արևմտյանը, ինչը ևս ռուսների մոտ առաջացրել է ՀՀ-ին ահաբեկելու և դեպի Արևմուտք քայլից հետ պահելու ցանկություն։
Հարցազրույցն ամբողջությամբ՝ տեսանյութում։
Ռոբերտ Անանյան
