19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Իրաքի Քուրդիստանի նախագահն այցելել է երկրաշարժից տուժած Թուրքիայի շրջաններ
Քաղաքականություն
14.02.2023 | 23:04
Իրաքի Քուրդիստանի ղեկավար Նեհիրվան Բարզանին այցելել է երկրաշարժից տուժած Թուրքիայի շրջաններ, հանդիպել քուրդ փրկարարների հետ, գրում է Kurdistan24-ը։
Բուրսայի նահանգապետ Յակուպ Ջանբոլաթը և նրա տեղակալը Բարզանիին ընդունել են թուրքական աղետների կառավարման գործակալության՝ AFAD-ի շտաբ-բնակարանում, որը գտնվում է Գազիանթեփում՝ երկրաշարժից ամենաշատ տուժած շրջաններից մեկում։
Բարզանին ցավակցություն է հայտնել երկրաշարժի հետևանքով զոհվածների ընտանիքներին՝ վիրավորներին մաղթելով շուտափույթ ապաքինում։
«Քուրդիստանի շրջանի յուրաքանչյուր ընտանիք սգում է ողբերգությունը։ Թուրքիան միշտ մեր կողքին է եղել շատ դժվարին ժամանակներում»,- ասել է Բարզանին։
Էմմա Չոբանյան
